1. «Արատացույց»

Եթե քո զուգընկերը ստիպում է,  որ դու զգաս, որ ոչինչ չես կարողանում ճիշտ անել, ինչպես նաեւ անընդհատ շեշտում է քո սխալները, ուրեմն հարաբերությունները վերանայելու ժամանակն է: Կենտրոնանալով միայն քո թերությունների վրա՝ դու կկորցնես ինքնավստահությունդ եւ այլեւս չես հարգի ինքդ քեզ:

2. «Հսկիչ»

Չնայած քո ամեն մի քայլը վերահսկելու նրա ձգտումը կարող ես ընկալել որպես սիրո նշան, բայց իրականում դա բոլորովին այլ բան է: Նա պարզապես ուզում է իմանալ քո կյանքի բոլոր մանրուքներն ու դրանց մասին իր կարծիքը հայտնելու հնարավորություն ունենալ:

3. «Լուրջ տղա»

Դա այն մարդն է, ով ամեն ինչ չափից լուրջ է ընդունում ու բոլորովին ունակ չէ հումորով վերաբերվել ինքն իրեն, կամ էլ ծիծաղել իր հասցեին ասված կատակի վրա: Սակայն նա կարող է բավականին կոպիտ ու հեգնական կատակել քո հասցեին, ինչը երբեմն վիրավորական է:

4. «Սառցաբեկոր»

Սառույցի նման.  նա միշտ սառն է ու անվրդով: Նրան պակասում են զգացմունքները , ու նա քեզ որպես կահույքի մի մաս է ընկալում: Քո զգացմունքների մասին հոգ տանելու մտադրություն նա չունի, դրա համար էլ ուշադրություն անգամ չի դարձնի, եթե քեզ որեւէ բան դուր չգա:

5. «Զոհ»

Նա երբեք պատասխանատվություն չի ստանձնի իր գործողությունների համար ու մեղավորը միշտ դու կլինես: Նա անընդհատ կբողոքի բոլորից՝ ինքն իրեն ներկայացնելով զոհի դերում: Իր տխուր պատմություններով նա կփորձի արժանանալ քո խղճահարությանը՝ երեխայի նման:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ