«Ցանկացած հարաբերություն կարող է երկարաժամկետ և որակյալ լինել միայն մի դեպքում»

Like on FB:

Նախկինում ես մտածում էի, որ մարդն ամեն տեսակ կարող է լինել, թեկուզ գող, բռի կամ խաբեբա: Ուրեմն այդպես է դասավորվել նրա կյանքն ընտանիքում, այդպես են դաստիարակել ծնողները, կամ մեկ այլ պատճառ կա: Ես հիմա էլ եմ դա հասկանում, բայց շուրջս ուզում եմ ունենալ այլ, բոլորովին ուրիշ տեսակի մարդկանց, այնպիսիներին, ում համար պատիվը, բառը, արժանապատվությունը, խիղճը նշանակություն ունեն: Հավանաբար կենցաղային հսկայական հոգսերի ու զբաղվածության պատճառով կանայք հազվադեպ են խորհում այդ թեմայի շուրջ:

Ավելի ստույգ, ընդունված է համարել, որ կանացիության հետ դրանք կապ չունեն, այդ պատճառով էլ չարժե աշխատել այն բնութագրիչների վրա, որոնք կանացիություն չեն զարգացնում, չեն օգնում տղամարդ գտնել ու ամուսնանալ, և կարծես թե խանգարում են ինքնաիրացվել արտաքին աշխարհում: Դա մոլորություն է:

Ցանկացած հարաբերություն կարող է երկարաժամկետ և որակյալ լինել միայն մի դեպքում, եթե մարդկանց արժեհամակարգերը համընկնում են: Ինձ համար վտանգավոր են այն տղամարդիկ, ովքեր չեն կարողանում բացատրել, թե ինչ են նշանակում իրենց համար պատիվն ու խոսքը պահել կարողանալը:

Եթե տղամարդու համար խղճի բնութագրիչն այն է, թե՝ աշխատում եմ չխաբել, պարզապես կլռեմ, ապա դա իրենից շատ տխուր պատկեր է ներկայացնում: Խիղճն իրականում ավելին է, քան դա:

Եթե մարդն իր համար ինքնուրույնաբար չի կարողանում որոշել բարոյական կատեգորիաներ, վերահսկել ինքն իրեն, գնահատել սեփական արարքները, դա շատ վատ է: Հոգեբանները կարող են բացատրել մարդու ցանկացած վարքագիծ: Սեփական անձն արդարացնելու տեսանկյունից սա շատ հարմար գիտություն է: Մարդն ունի անհամար սեքսուալ կոնտակտնե՞ր, մանիպուլյացիայի՞ է ենթարկում, կամ փախչում է պատասխանատվությունի՞ց:

Նշանակում է՝ նա չսիրված երեխա է, նրա մոտ առկա է մոր հետ տրավմատիկ հարաբերությունների արդյունքում ձևավորված կապվածության խանգարում, կամ էլի շատ բաներ: Բայց եթե դու արդեն մեծ, հասուն մարդ ես, դաստիարակիր ինքդ քեզ, գտիր քո ինքնագիտակցությունը:

Միշտ էլ կարելի է ցավին արդարացում գտնել, այն ցավին, որ դու պատճառում ես այլ մարդկանց, բայց ամենից հաճախ դու տեսնում ես, թե ինչ ես անում, կամ գոնե պատասխան արձագանքից հասկանում ես՝ ինչ ես արել:

Եթե դու առողջ, առանց մանկությունից օրգանական ախտահարումների ուղեղ ունես, դու պիտի կարողանաս վերլուծել: Անգամ, եթե ինչ-որ անտեսանելի ուժ քեզ դրդում է գողանալ կամ մեկ անգամ օգտվել մարդուց, դու ի վիճակի ես հասկանալ, տեսնել, զգալ, որ մեկ այլ մարդու վատություն ես անում: Եվ դու տեսնում ես, բայց նախընտրում ես այդ կասկածները թաքցնել գիտակցության հեռավոր անկյուններում և արդարացնել ինքդ քեզ:

Եթե մարդուն կառավարում են ցածրակարգ արժեքներ. փող՝ ցանկացած եղանակով, հաճույք՝ հնարավոր ու անհնար բոլոր տարբերակներով, սեփական կրքերի ու ցանկությունների բավարարում, նա վերածվում է կեղտոտ, անմակարդակ անասունի:

Խոսելով հոգեբանական լեզվով՝ այդ միջանկյալ սեռի կենդանին սկսում է իշխել Ես-ի վրա Սուպեր ես-ի կատարյալ բացակայության պայմաններում: Ոչ խելքը, ոչ ինտելեկտը, ոչ կրթությունն ինքնին չեն որոշում մարդու մոտ բարձրակարգ արժեքների առկայությունը կամ դրանց բացակայությունը:

Այդ արժեքները ձևավորվում են ներքին մաքրությունից ու լիարժեքությունից, սեփական անձի վրա տքնաջանորեն աշխատելու արդյունքում: Դրանք մարդուն ոչ միայն կենդանի արարած են դարձնում, այլ Մարդ:

Միայն բարձր արժեքները՝ արժանապատվությունը, հարգանքը, ինքնահարգանքն ու ինքնագնահատականը, կամքի և ոգու ուժը, խիղճը, կարող են մարդուն մաքուր ու լուսավոր էակ դարձնել: Այսպիսի արժեհամակարգ դավանող մարդկանց չի կարելի ապրել, աշխատել ու ընկերություն անել անմաքուր անձանց հետ: Նրանց երբեք չեն հասկանա:

Նրանց անխուսափելիորեն տվյալ մարդիկ կձգտեն ճնշել ու վերացնել: Անգիտակցաբարը բազում անգամներ ավելի հզոր է և ուժեղ, քան գերգիտակցականը: Ընտրեք ձեր արժեհամակարգն ունեցող մարդկանց ու երջանիկ եղեք:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Թեստ․ Կկարողանա՞ք առանց դժվարության անցնել թեստը
ԹԵՍՏ․ Շատ քչերին է հաջողվում պատասխանել բոլոր հարցերին
Ո՞ր տարիքում են մարդիկ առավել հաճույք ստանում ինտիմ մերձեցումից
Նստատեղի նյարդի բորբոքմանը հրաժեշտ տվեք ընդամենը 10 րոպեում այս բնական միջոցով
Կյանքի ուժը սեռական էներգիայի մեջ է. Ի՞նչ անել և ինչի՞ց սկսել
Նշաններ, որ ավելորդ քաշը էստրոգենի բարձր մակարդակի հետևանք է
ԹԵՍՏ. Գիտե՞ք՝ նշված տարբերակներից որ ձևն է ճիշտ
ԹԵՍՏ. Ստուգեք Ձեր հնարամտությունը
Այս նշանները վկայում են, որ օրգանիզմին չի բավականացնում կալցիումի մակարդակը

Latest

Կատարում Աշխարհի առաջնության «ամենակրքոտ երկրպագուհին» կրկին համարձակ հագուստով է գնացել մարզադաշտ (Photo)
Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց