9 բան, որ ուժեղ կինը միշտ անում է հարաբերություններում

Like on FB:

Ուժեղ կանայք նրանք են, ովքեր կյանքում շատ բաների միջով են անցել, սակայն, միևնույն է, հույսը չեն կորցրել:

Նրանք վճռական են, հասուն ու սիրո աներևակայելի պաշարներ ունեն:

Եթե քո բախտը բերել է, և դու հանդիպել ես ուժեղ կնոջ, ուրեմն պատրաստվիր, որովհետև նա անպայման անելու է հետևյալ բաները:

1. Նա ուղղամիտ է:

Որքան էլ դուք միասին լինեք, ուժեղ կինը միշտ ուղիղ կխոսի ձեզ հետ: Նա ասելիք ունենալու դեպքում չի պտտվի կողքերով, հեռվից չի գա, այլ իր մտքինը կշարադրի անկեղծ ու բաց տեքստով, առանց ակնարկների և «գուշակիր ինքդ» խաղի: Նա գիտի, թե ինչ է ուզում, և չի ուզում զուր վատնել իր ժամանակը:

2. Նա կարողանում է ինքն իրեն պաշտպանել:

Ուժեղ կինը չի վախենում գծել իր սահմանները ու պահել դրանք, անգամ, եթե դա կոնֆլիկտ հարուցի: Իրականում նա պատրաստ է ցանկացած բախման: Նա քեզ թույլ չի տա ստորացնել կամ ճնշել իրեն:

Նա իր չափորոշիչներն ունի, և դու ստիպված կլինես նրա հետ վարվել այնպես, ինչպես ինքն արժանի է, այլապես չկասկածես, որ նա քեզ դռան կողմը ցույց կտա:

3. Նա հավատարիմ է իր զգացմունքներին:

Ուժեղ կինը հավատարիմ է մնում ինքն իրեն, անգամ, երբ գտնվում է հարաբերությունների մեջ: Նա չի թաքցնում իր զգացմունքները, չի վախենում, որ դրանք չափազանց շատ կլինեն, քանի որ գիտի, որ ինքն իրական է, այնպիսին, ինչպիսին որ կա, ու գնահատում է դա:

Ահա թե ինչու, երբ դու նրա հետ ես, դու չես մտահոգվի, որ թույլ կերևաս, հիմար կամ խելագար: Նա ուզում է, որ դու էլ անկեղծ ու իսկական լինես ու հավատարիմ ինքդ քեզ, քանի որ հենց այդպես նա կկարողանա տեսնել քեզ այնպիսին, ինչպիսին որ կաս:

4. Նա կարող է հոգ տանել իր մասին:

Ուժեղ կինն անկախ ու ինքնաբավ է ամենից հաճախ այն պատճառով, որ պարզապես այլ ընտրություն չունի: Նա հասկացել է, որ ինքն է պատասխանատու իր բարեկեցության ու երջանկության համար, և կարևոր չէ՝ նրա կողքին տղամարդ կա՞, թե՞ ոչ:

Նա կապված է քեզ հետ, բայց չի սպասի, որ դու իր փրկիչը պիտի լինես, քանի որ նրան ոչ ոք պետք չէ: Նա ինքն էլ կարող է հոգ տանել իր, իր կյանքի մասին, և նա երջանիկ էր նաև մինչև քեզ հանդիպելը:

5. Նա քեզ կասի այն, ինչ իրեն ձեռնտու չէ կամ դուր չի գալիս:

Ուժեղ կինը աչք չի փակի քո ոչ պատշաճ վարքագծի վրա միայն այն բանի համար, որ միգուցե այդ դեպքում դու լքես նրան: Պետք չէ նրա հետ նման կատակներ անել:

Նա գիտի իր արժեքը և գիտի` ինչի է ինքն արժանի, դրա համար էլ չի տանի իր նկատմամբ ցուցաբերված վատ վերաբերմունքը: Բացի դրանից, նա հոգ է տանում քո մասին, և եթե ինչ-որ բան այն չլինի, անպայման կասի քո իսկ օգտի համար:

6. Նա կարողանում է պատասխան տալ իր արարքների համար:

Քանի որ նա ուղղամիտ ու ուղղախոս է, կընդունի իր սխալը, եթե ինքը մեղավոր լինի: Նա սլաքները ուրիշ կողմ չի տանում, ուրիշներին չի մեղադրում: Եթե ինքը սխալ է, ուրեմն սխալ է: Եվ նա պատրաստ կլինի լուծել խնդիրը և պայքարել հարաբերությունների համար անգամ ամենաբարդ ժամանակներում: Նա մարտիկ է:

7. Նա քեզ տարածություն է տալիս, երբ դա քեզ պետք է:

Լինելով անկախ և ինքնաբավ անձնավորություն` ուժեղ կինը հասկանում է, թե երբ է քեզ տարածություն պետք, և հանգիստ բաց է թողնում քեզ` առանց մտահոգվելու: Նա ուզում է, որ դու իր հետ պարտադրված չլինես, այլ՝ սեփական ցանկությամբ ու որոշմամբ: Իսկ նա բավականաչափ զբաղմունքներ ունի, որ չմտահոգվի այն մասին, թե դուք որտեղ եք ու ում հետ:

8. Նա ցույց է տալիս քեզ իր սերը:

Ուժեղ կնոջ հետ հարաբերությունների մեջ գտնվել՝ նշանակում է՝ երբեք չկասկածել այն բանում, թե ինչ կա ձեր միջև: Քանի որ նա ուժեղ է, նա շարունակում է հավատալ սիրուն ու ցույց տալ իր զգացմունքները, անգամ, եթե նրա սիրտը շատ անգամներ կոտրել են: Դու կտեսնես նրա սիրո ողջ խորությունը:

9. Նա չի վախենում հեռանալ:

Եթե նա հասկանում է, որ հարաբերություններն արդեն սպառել են իրենց, դարձել ոչնչացնող, նա չի վախենա հեռանալ: Նա միշտ փորձում է տեսնել լավագույնը քո մեջ և հենց այնպես չի հանձնվի, սակայն, եթե դու դադարես ջանալ, նա կհեռանա՝ առանց հետ նայելու: Սկզբում նրա համար դժվար կլինի, նա կոտրված կլինի, սակայն հետո կվերականգնի իր ուժերը ու կշարունակի հավատալ, որ մի օր կրկին սեր կգտնի:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Թեստ․ Կկարողանա՞ք առանց դժվարության անցնել թեստը
ԹԵՍՏ․ Շատ քչերին է հաջողվում պատասխանել բոլոր հարցերին
Ո՞ր տարիքում են մարդիկ առավել հաճույք ստանում ինտիմ մերձեցումից
Նստատեղի նյարդի բորբոքմանը հրաժեշտ տվեք ընդամենը 10 րոպեում այս բնական միջոցով
Կյանքի ուժը սեռական էներգիայի մեջ է. Ի՞նչ անել և ինչի՞ց սկսել
ԹԵՍՏ. Գիտե՞ք՝ նշված տարբերակներից որ ձևն է ճիշտ
Նշաններ, որ ավելորդ քաշը էստրոգենի բարձր մակարդակի հետևանք է
Այս նշանները վկայում են, որ օրգանիզմին չի բավականացնում կալցիումի մակարդակը
ԹԵՍՏ. Ստուգեք Ձեր հնարամտությունը

Latest

Կատարում Աշխարհի առաջնության «ամենակրքոտ երկրպագուհին» կրկին համարձակ հագուստով է գնացել մարզադաշտ (Photo)
Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց