Լիդսի համալսարանի գիտնականները վստահեցնում են, որ մի շարք համեմունքային բույսեր ունեն մաշկը տարատեսակ բշտիկներից մաքրող հատկություն:
Օրինակ՝ բշտիկների դեմ հիանալի միջոց է ուրցը, որը միջերկրածովյան խոհանոցում օգտագործվում է որպես համեմունք:
Այն համարվում է բուժման արդյունավետ և անվտանգ միջոց՝ ի տարբերություն հակաբակտերիալ քսուքների:
Մասնագետներն ուսումնասիրել են ուրցի, վաղենակի և զմուռսի ազդեցությունը պրոպիոնային բակտերիաների վրա:
Պարզվել է, որ բուսական թուրմերը բակտերիաները ոչնչացնում են 5 րոպեում:
Մասնավորապես ուժեղ է ուրցի ազդեցությունը:
Հետազոտական աշխատանքները գլխավորող բժիշկ Մարգարիտա Գոմես Էսկալադայի խոսքով՝ ուրցի դիմակայությունը բակտերիաների դեմ ավելի ուժեղ է, քան բենզոլային պերօքսիդինը:
Վերջինս մտնում է զանազան քսուքների և մաշկը մաքրող միջոցների բաղադրության մեջ, առաջացնում է մաշկի գրգռվածություն և քոր:
Հետազոտության արդյունքները մասնագետներին հնարավորություն կտան բշտիկների դեմ պայքարել ոչ քիմիական եղանակով:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին