Ոտքերի երակների վարիկոզը խնդիր է ամենատարբեր տարիքի շատ կանանց համար: Պարզվում է՝ ֆրանսուհիներն այս հարցում առաջ են մնացածներից․ Ֆրանսիայում ոտքերի խնամքի և այս տհաճ հիվանդության կանխարգելման ամենազարգացած մշակույթն է։

Ֆրանսիայում լայնացած երակներով կանացի ոտքեր գտնելը շատ ավելի դժվար է, քան այլ տարածաշրջաններում, որտեղ այս հիվանդությունն էնդեմիկ է և ընկալվում է որպես հետծննդյան կամ պարզապես տարիքային փոփոխությունների անխուսափելի մաս: Դա ակնհայտ է նաև աստղերի օրինակներից՝ 79-ամյա Կատրին Դենյովն, օրինակ, հաճույքով մինի է հագնում՝ աշխարհին ցույց տալով իր գեղեցիկ ոտքերը։

Արդյո՞ք ֆրանսուհիները գիտեն մի բան, որ մենք չգիտենք:

Պարզվում է, որ Ֆրանսիայում կանայք առնվազն տարին մեկ անգամ այցելում են ֆլեբոլոգի։ Սա նրանց գեղեցկության առօրյայի և միաժամանակ բժշկական հետազոտության ծրագրի անբաժանելի մասն է:

Այս մասին պատմել է բրիտանացի ֆլեբոլոգ, դոկտոր Հարուն Գայրայը, ում անգլուհի հաճախորդները տանջել են հարցերով, թե ինչպես հասնել այնպիսի առողջ և գեղեցիկ ոտքերի, ինչպիսին ֆրանսուհիներինն է: Բժիշկը որոշել է բացահայտել գաղտնիքները։

Ֆրանսուհիների ոտքերի խնամքի հիմնական սկզբունքն է. տարին մեկ անգամ, անկախ ոտքերում լայնացած երակների առկայությունից, այցելել ֆլեբոլոգի, որը կատարում է ոտքերի անոթների ուլտրաձայնային հետազոտություն: Այս ընթացակարգը թույլ է տալիս վաղ փուլում տեսնել, թե որ երակներն են մոտ ապագայում երակների վարիկոզի վտանգի տակ:

Վաղ փուլերում երակների լայնացումը բացահայտելով՝ դուք կարող եք խուսափել ընդհանուր անզգայացմամբ վիրահատությունից: Ֆլեբոլոգը կկատարի սկլերոթերապիա՝ մի շարք ներարկումներ հատուկ դեղամիջոցով, որից հետո փոքրիկ երակները պարզապես լուծվում են մարմնում։

Դոկտոր Գայրայը կանանց հատուկ ուշադրությունն է հրավիրում այն փաստի վրա, որ երակների վարիկոզը ժառանգական հիվանդություն է։ Եթե ձեր մայրիկը կամ հայրը ոտքերի երակային անոթների լայնացում ունեն, ապա մեծ է հավանականությունը, որ այդ «նվերը» կփոխանցվի նաև ձեզ։

Ոտքերը խաչած նստելը, հակառակ տարածված կարծիքի, վնասակար չէ։ Այս դիրքը չի ազդում երակների վարիկոզի զարգացման վրա, վստահեցնում է բրիտանացի փորձագետը։

Նստակյաց ապրելակերպը երակների վարիկոզի զարգացման հիմնական պատճառներից մեկն է։ Գայրայը վստահ է, որ դա զուտ արևմտյան հիվանդություն է․ «Աֆրիկայի աղքատ երկրներում «երակային» ոտքեր չեք գտնի,- ասում է նա,- իսկ բարձր զարգացած երկրներում, որտեղ մարդիկ զբաղված են գրասենյակային աշխատանքով և քիչ են շարժվում, երակների լայնացումը տարածված է»:

Պայքարի միակ միջոցը կանխարգելումն է։ Դոկտոր Հարուն Գայրայը խորհուրդ է տալիս.

• Ավելի շատ քայլեք: Քայլելը ֆիթնեսի լավագույն ձևն է՝ երակների վարիկոզը կանխելու համար:

• Պահպանեք առողջ քաշ։ Գեր մարդիկ շատ ավելի հավանական է, որ կհիվանդանան երակների վարիկոզով:

• Ոտքերի վրա երկար կանգնելը նպաստում է երակների լայնացմանը։

• Երակների վարիկոզից խուսափելու ծիծաղեալիորեն հեշտ միջոց է բավականաչափ ջուր խմելը, որպեսզի ձեր արյունը չմակարդվի:

• Ամենօրյա լավագույն հակավարիկոզային պրոցեդուրան տանն է․ աշխատանքային օրվանից հետո մի փոքր պառկեք՝ ոտքերը վեր բարձրացրած։ Սա վերականգնում է արյան ճիշտ հոսք և ազատում այտուցներից:

• Քանի որ արեգակնային ճառագայթումը նպաստում է երակների վարիկոզի զարգացմանը, անհրաժեշտ է մաշկը պաշտպանել ուլտրամանուշակագույն ճառագայթներից։ Ինչպես նաև (բժշկի հետ համաձայնությամբ) ընդունեք վիտամին C՝ միակ բնական հակաօքսիդանտն ու արևի ճառագայթներից պաշտպանողը։

• Ցորենի ծիլերի յուղը ընկեր է բոլոր նրանց համար, ովքեր ցանկանում են կանխել երակների վարիկոզի զարգացումը: Այն վերականգնում է երակների կոլագենային մանրաթելերը։ Յուղը կարելի է օրական մեկ անգամ քսել երակների վարիկոզով ախտահարված հատվածներին՝ շոյող շարժումներով։

• Այցելեք ֆլեբոլոգի։ Նրա երաշխավորությունների համաձայն՝ կարելի է ձեռք բերել հատուկ հակավարիկոզային գուլպաներ, կիսագուլպաներ կամ զուգագուլպաներ, մերսող ներդիրներ, ինչպես նաև դեղամիջոցներ (քսուքներ):

Նյութը հրապարակման պատրաստեց zNews-ը

Կիսվե՛ք Ձեր ընկերների հետ