Կոնֆուցիոսը (անունը չինարենում հնչում էր Կուն Ցյու) իմաստուն մարդ էր, ում ուսմունքը հաճախ կրոն էին համարում: Թեև աստվածաբանական թեմաները Կոնֆուցիոսի ուսմունքում մեծ տեղ չունեին, նրա բոլոր մտքերը հիմնված են բարոյականության, էթիկայի և մարդկային փոխհարաբերությունների կենսական սկզբունքների վրա:

Նա առաջինն էր, ով առաջարկեց ստեղծել բարձր բարոյական արժեքներով և ներդաշնակ հասարակություն, իսկ նրա ոսկե կանոնն էր՝ «մի՛ արա ուրիշին այն, ինչ քեզ չես ցանկանում»:

zNews-ը ներկայացնում է մ.թ.ա. 6-5-րդ դդ բնակվող չինացի փիլիսոփայի մտքերը:

1. Երեք ուղի է տանում դեպի գիտելիքներ. մտորումների ուղին` այն ամենաազնիվն է, նմանակելու ուղին` այն ամենահեշտն է, և փորձի ուղին` այն ամենադառն է:

2. Եթե դու ատում ես, ուրեմն քեզ հաղթել են:

3. Այն երկրներում, որտեղ կա կարգուկանոն, համարձակ եղիր խոսքում և գործերում: Այն երկրներում, որտեղ կարգուկանուն չկա, համարձակ եղիր գործերում, բայց զգուշավոր` խոսքում:

4. Վրեժ լուծելուց առաջ երկու գերեզման փորիր:

5. Ուղղություն ցույց տուր միայն նրան, ով գիտելիքների է ձգտում` հասկանալով իր տգիտությունը:

6. Երջանկություն է, երբ քեզ հասկանում են, մեծ երջանկություն է, երբ քեզ սիրում են, իրական երջանկություն է, երբ սիրում ես դու:

7. Իրականում կյանքը պարզ է, բայց մենք համառորեն բարդացնում ենք այն:

8. Անզսպվածությունը մանրուքներում կկործանի մեծ գործը:

9. Երբ գալիս են ցրտերը, պարզ է դառնում, որ սոճին ու նոճին վերջինն են կորցնում իրենց հանդերձները:

10. Մարդիկ հնում շատ չէին խոսում: Նրանք ամոթալի էին համարում սեփական բառերի հետևից չհասցնելը:

11. Խորհուրդները մենք կաթիլներով ենք ընդունում, սակայն բաժանում ենք դույլերով:

12. Թանկարժեք քարը հնարավոր չէ փայլեցնել՝ առանց հղկելու, այդպես նաև մարդը չի կարող հաջողակ դառնալ՝ առանց բավարար բարդ փորձությունների:

13. Ազնիվ մարդը պահանջներ է դնում ինքն իր առաջ, նվաստը պահանջում է ուրիշներից:

14. Վնասակար սովորություններին վերջ դնել հնարավոր է միայն այսօր, և ո՛չ թե վաղը:

15. Երեք բան երբեք չի վերադառնում` ժամանակը, խոսքը, հնարավորությունը, այդ իսկ պատճառով մի՛ կորցրու ժամանակը, ընտրի՛ր բառերը և բաց մի՛ թող հնարավորությունը:

16. Աշխատանք ընտրեք ձեր սրտով և ոչ մի օր ստիպված չեք լինի աշխատել ձեր կյանքում:

17. Ես չեմ հիասթափվում, երբ մարդիկ ինձ չեն հասկանում, հիասթափվում եմ, երբ ես մարդկանց չեմ հասկանում:

18. Փորձեք փոքր ինչ բարի լինել և կհասկանաք, որ ունակ չեք վատ արարքի:

19. Հնում մարդիկ սովորում էին կատարելագործվելու համար, այժմ` ուրիշներին զարմացնելու համար:

20. Կարելի է ողջ կյանքում անիծել մթությունը, բայց կարելի է նաև մի փոքրիկ մոմ վառել:

21. Գեղեցկություն կա ամեն ինչում, բայց այն տեսնել է պետք:

22. Եթե թքում են թիկունքից, ապա դու առջևում ես:

23. Հզորը նա չէ, ով երբեք չի ընկել, այլ նա, ով ընկել և բարձրացել է:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ