Գլխացավը, ծարավի զգացումը, հոգնածությունն ու սրտամկանում ծանրության զգացողությունը կարող են հուշել արյան թանձնացման մասին։ Այս մասին m24.ru-ի հետ զրուցում ասել է սրտաբան Յուրի Սերեբրյանսկին՝ նախազգուշացնելով, որ թանձր արյունը կարող է դառնալ զարկերակային ճնշման բարձրացման, աթիռմիաների ու սրտային հեղձուկի պատճառ։
Մասնագետի խոսքով՝ արյան թանձրացման դեպքում մարդու մոտ կարող են նկատվել գլխացավեր կամ գլխում ծանրության զգացողություն, ծարավի զգացում, հոգնածություն անգամ չնչին ակտիվությունից հետո, ինչպես նաև ծանրության զգացողություն ու ճնշող ցավեր սրտամկանի հատվածում։ Այնուամենայնիվ այս ախտանշանները մշտական չեն։
Բացի այդ, արյան թանձրացման դեպքում բարձրանում է արյան մակարդելիությունը, ինչի հետևանքով էլ վնասվածքների դեպքում արյունն արագ է մակարդվում ու երկար չի հոսում։
«Սա նախանշաններից մեկն է»,- հավելել է փորձագետը։
Մասնագետի հաղորդմամբ՝ շատ հաճախ արյունը թանձրանում է շոգ եղանակին և պայմանավորված է լինում օրգանիզմում հեղուկի պակասով։ Բացի այդ, նման հետևանքների կարող է հանգեցնել նաև միզամուղ դեղերի չարաշահումը։
Վերոնշյալ ախտանշանները նկատելու դեպքում հարկավոր է առաջին հերթին որոշել, որքան ջուր է մարդն օրական խմում։
«Միջինում հարկավոր է առնվազն մեկ լիտր հասարակ ջուր խմել։ Գումարած նաև ևս 750-1000 մլ հավելյալ հեղուկ, հատկապես՝ շոգ եղանակին», -հավելել է սրտաբանը։
Նրա խոսքով՝ արյան թանձրացման կասկածների դեպքում հարկավոր է դիմել մասնագետին, որը կուղեգրի արյան ընդհանուր հետազոտության ու հեմատոկրիտի։ Վերջին ցուցանիշի բարձրացումը հուշում է արյան թանձրացման մասին, մինչդեռ արյան ընդհանուր հետազոտության միջոցով կարելի է ստուգել թրոմբոցիտների ու էրիթրոցիտների մակարդակները՝ այդ կերպ պարզելով՝ ինչ աստիճանի է թանձրացել արյունը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
