Գոյություն ունեն ստամոքսի խոցի մասին հուշող մի շարք ոչ ակնհայտ ախտանշաններ։ Այս մասին Gazeta.Ru-ի հետ զրույցում ասել է վիրաբույժ Ալեքսանդր Ռուդնևը՝ նշելով դրանք։
Մասնագետի խոսքով՝ ստամոքսի խոցի հիմնական ախտանշաններն են՝ ցավը, որը սովորաբար լինում է որովայնի վերին հատվածներում, ինչպես նաև սրտխառնոցը, ստամոքսի այրոցը և ծանրության զգացումը։
«Ստամոքսի խոցի ոչ անհայտ ախտանշանն է ցավը, որը տարածվում է ձախ թիակի, ինչպես նաև սրտամկանի հատվածում, ինչը կարող է հիվանդին շփոթեցնել և ախտորոշման առումով սխալ ուղղությամբ տանել: Բուժառուն կարող է սխալմամբ կարծել, որ խնդիրը նյարդաբանական բնույթի է կամ կապված է սրտամկանի աշխատանքի հետ», – նախազգուշացրել է Ռուդնևը:
Ինչպես հավելել է բժիշկը, ադեկվատ բուժման բացակայության դեպքում խնդիրը կարող է բարդանալ ու հանգեցնել խոցային արյունահոսությունների, ստամոքսի պատի թափածակման ու որովայնամզի բորբոքման, ինչպես նաև խոցի չարորակացման ու քաղցկեղի զարգացման։
«Ստամոքսի խոցի առաջացմանը նպաստող գործոններն են սթրեսային իրավիճակները, սննդակարգի և քնի ռեժիմի խանգարումները, գենետիկական նախատրամադրվածությունը և ծխախոտի գործածությունը»,- եզրափակել է Ռուդնևը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
