Գիտնականներն ընդգծում են, որ ջուր խմելիս էապես նվազում է քաղցի զգացողությունը, իսկ քաղցած վիճակում ջուր խմելը նաև օգնում է կարգավորել արյան ճնշումն ու արյան մեջ շաքարի մակարդակը։
Ճապոնացի գիտնականներն ուսումնասիրություններ են անցկացրել և եզրակացրել են, որ ամենասովորական խմելու ջրի կանոնավոր և ճիշտ օգտագործումը կարող է օգնել ազատվել ավելորդ քաշից։
Focus.de–ն գրում է, որ գիտնականները խորհուրդ են տալիս առավոտյան անմիջապես արթնանալուց հետո թեյի կամ սուրճի փոխարեն սենյակային ջերմաստիճանի մեկ բաժակ ջուր խմել։ Ջուրը խմելուց հետո պետք է մաքրել ատամները, և միայն 45 րոպե անց նախաճաշել։
Նրանք ընդգծում են, որ ջուր խմելիս էապես նվազում է քաղցի զգացողությունը։ Նախաճաշից հետո 2 ժամվա ընթացքում պետք է ոչինչ չուտել։
Այդպես օրվա ընթացքում բալանսավորված սնունդն ու քաղցած վիճակում մեկ բաժակ ջրի կանոնավոր օգտագործումը կհանգեցնեն քաշի աստիճանաբար նվազման։
Արդեն մեկ ամիս անց կկարգավորվեն նաև արյան ճնշումն ու արյան մեջ շաքարի մակարդակը։
Ճապոնիայի բժշկական ասոցիացիայի (JMA) տվյալների համաձայն` քաղցած վիճակում ջուր խմելը կարող է օրգանիզմից մաքրել գիշերվա ընթացքում կուտակված տոքսինները, կարգավորել աղիքների աշխատանքն ու նյութափոխանակությունը, ինչպես նաև կանխել այրոցը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
