Ասպիրինն ամենատարածված դեղամիջոցներից մեկն է, որը սովորաբար կիրառվում է ցավը մեղմելու և արյան մակարդելիությունը կարգավորելու համար, սակայն գիտնականների նոր հետազոտությունը ցույց է տվել, որ այն կարող է շատ արդյունավետ լինել նաև քաղցկեղի որոշ տեսակների դեմ պայքարում։
Այս դեղամիջոցը ջրիկացնում է արյունն ու նվազեցնում է արյան մակարդուկների առաջացման հավանականությունը, ուստի շատերն այն ընդունում են սրտանոթային համակարգի հիվանդությունների կանխարգելման համար, սակայն վերջերս անցկացված հետազոտությունը ցույց է տվել, որ ասպիրինը շատ արդյունավետ է նաև մի շարք այլ լուրջ հիվանդությունների դեմ պայքարում։
Գիտնականների անցկացրած հետազոտությանը մասնակցել է տարբեր սեռի 140 հիվանդ։ Նրանք 13 տարի մասնակցել են օնկոլոգիական հիվանդությունների սքրինինգային հետազոտությանը, որի արդյունքում պարզվել է, որ այս դեղամիջոցը շատ արդյունավետ է նաև կրծքագեղձի ու միզապարկի քաղցկեղի կանխարգելման համար։
Ինչպես նշում են մասնագետները, գիտափորձի բոլոր մասնակիցները 65 տարեկանից բարձր են եղել։ Բացի այդ, նրանք նախապես պատասխանել են նաև որոշ հարցերի՝ նշելով թե ինչ դեղորայք են ընդունում։ Պարզվել է, որ շաբաթական երեք անգամ ասպիրին ընդունելու դեպքում կրծքագեղձի քաղցկեղի զարգացման հավանականությունը նվազում է ¼-ով, իսկ միզապարկի քաղցկեղի զարգացման հավանականությունը՝ ⅓- ով։
Բացի այդ, հետազոտությունը ցույց է տվել, որ այս դեղորայքն ընդունող մարդկանց մոտ քաղցկեղի զարգացման հավանականությունը նվազում է 25%-ով ի տարբերություն այն մարդկանց, որոնք երբևէ ասպիրին չեն ընդունել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
