Սպիտակուցը անհրաժեշտ է առողջության և ֆիզիկական ակտիվության պահպանման համար և պետք է ներառվի յուրաքանչյուր ճաշի մեջ:

Բայց այս հարցում կարևոր է նաև չափը։

Սպիտակուցն ածխաջրերի և ճարպերի հետ միասին սննդի երեք հիմնական մակրոտարրերից մեկն է, ինչպես նաև շինանյութ՝ մարմնի բջիջների և հյուսվածքների համար:

Որքա՞ն կարելի է ընդունել մեկ ուտելու ժամանակ, որպեսզի այն ներծծվի։

Սննդակարգում սպիտակուցի պակասը կարող է հանգեցնել մկանային զանգվածի կորստի, իմունային համակարգի թուլացման և երեխաների աճի հետաձգման պատճառ դառնալ:

Սակայն դրա ավելցուկը կարող է նաև վնասակար լինել առողջության համար՝ ծանրաբեռնում է երիկամները և նպաստում կալցիումի տարրալվացմանը։

Որքա՞ն սպիտակուց ուտել նիհարելու համար

Առողջապահության համաշխարհային կազմակերպությունը (ԱՀԿ) տալիս է այս առաջարկությունները սպիտակուցի ընդունման վերաբերյալ:

1. Նստակյաց կյանք վարող մեծահասակների համար խորհուրդ է տրվում օրական մոտ 0,8 գ սպիտակուց՝ մարմնի քաշի 1 կգ դիմաց։ Այսինքն, եթե ձեր քաշը 70 կգ է, ապա օրական նորման պետք է լինի մոտ 56 գ։

2. Եթե ձեր նպատակը քաշի կորուստն է, ապա կարող եք սպիտակուցի ընդունումը հասցնել օրական 1,2-1,5 գ-ի՝ մարմնի քաշի 1 կգ-ի դիմաց: Սա կօգնի կալորիականության դեֆիցիտի ժամանակ պահպանել մկանային զանգվածը և կբարձրացնի հագեցվածության զգացումը:

3. Եթե ցանկանում եք մեծացնել մկանային զանգվածը, ապա խորհուրդ է տրվում օրական 1,6-ից 2 գ սպիտակուց օգտագործել մարմնի քաշի 1 կգ-ի դիմաց։ Սա կօգնի վերականգնել և աճեցնել մկանները:

Որքա՞ն սպիտակուց պետք է ուտեն բուսակերները

Եթե դուք ուտում եք միայն բուսական սպիտակուցներ, ապա հետևել ԱՀԿ-ի վերը նշված առաջարկություններին սխալ է: Ի տարբերություն կենդանական սպիտակուցի՝ բուսականը մարդու օրգանիզմի համար անհրաժեշտ ամինաթթուներ ոչ լիարժեք է պարունակում։ Բացի այդ, կենդանական սպիտակուցների մարսելիության աստիճանը մոտ 90% է, իսկ բուսական սպիտակուցներինը՝ 60%։

Եթե բուսակեր եք, ապա ձեր սննդակարգը բազմազան պահեք և ընդունեք լրացուցիչ սննդային հավելումներ ու վիտամինային համալիրներ՝ պակասող միկրոտարրերը և ամինաթթուները լրացնելու համար:

Որքա՞ն սպիտակուց կարելի է ուտել միանգամից

Ցանկալի է օրվա ընթացքում սպիտակուցի ընդունումը հավասարաչափ բաշխել: Օրինակ, եթե ձեր օրական պահանջարկը 100 գրամ սպիտակուց է, կարող եք ձեր չորս ուտելներուց յուրաքանչյուրի մեջ բաժանել 25-ական գրամ սպիտակուց:

Եթե ֆիզիկական վարժություններ եք կարարում, խորհուրդ է տրվում մարզվելուց հետո ավելացնել սպիտակուցի ընդունումը՝ մկանների վերականգնմանը նպաստելու համար: Օրգանիզմը օգտագործում է ընդամենը մոտ 20-25 գրամ սպիտակուց մեկ ուտելուց, քանի որ մեր մարսողական համակարգը և նյութափոխանակությունը չեն կարող ակնթարթորեն մեծ քանակությամբ սպիտակուցներ վերածել մարմնի աճի և վերականգնման համար անհրաժեշտ ամինաթթուների: Հետեւաբար, ավելցուկը կհեռացվի կամ կկուտակվի որպես ճարպ:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ