Կան հիվանդություններ, որոնց զարգացման պատճառ են հանդիսանում մարդու վատ սովորությունները, ուստի մասնագետները հաճախ են հորդորում խուսափել դրանցից։
Նման հիվանդությունների թվում կարող են լինել համեմատաբար քիչ վտանգավորները, սակայն կան նաև այնպիսինները, որոնք կարող են խիստ վտանգավոր լինել ու անգամ դառնալ վաղաժամ մահվան պատճառ։
Ընդ որում՝ վիճակագրական տվյալները ցույց են տվել, որ ամենամահաբեր հիվանդությունները որպես կանոն պայմանավորված են լինում հենց վնասակար սովորություններով ու սխալ կենսակերպով։
Medikforum.ru կայքը ներկայացրել է վնասակար սովորություններով պայմանավորված երեք ամենավտանգավոր հիվանդությունները, որոնք առավել հաճախ են դառնում վաղաժամ մահվան պատճառ։
Սրտի իշեմիկ հիվանդություն
Վնասակար սովորությունները, այդ թվում՝ ծխախոտի գործածությունն ու սննդի չարաշահումը, հանգեցնում են արյունատար անոթներում խոլեստերինային վահանիկների կուտակման պատճառ, ինչի հետևանքով սրտամկանը դժվարանում է ապահովել արյան շրջանառությունը։ Ժամանակի ընթացքում այդ վահանիկները կարող են խցանել անոթն ու հանգեցնել սրտամկանի ինֆարկտի, ուստի նման խնդրից խուսափելու համար հարկավոր է ժամանակին միջոցներ ձեռնարկել ու ազատվել վնասակար սովորություններից։
Թոքերի քաղցկեղ
Ծխախոտի գործածությունը կարող է դառնալ նաև մեկ այլ վտանգավոր հիվանդության զարգացման պատճառ, որն էլ կարող է շատ կարճ ժամանակահատվածում հանգեցնել մահվան։ Խոսքը թոքերի քաղցկեղի մասին է, որն այս հիվանդության ամենատարածված ու վտանգավոր տեսակներից մեկն է։ Հիվանդության մասին հուշող հիմնական ախտանշաններն են սաստիկ հազը, խորխի կուտակումը, դրանում արյան հետքերի առկայությունը, սաստիկ հոգնածությունը, քաշի անբացատրելի կորուստը և այլն։ Տվյալ ախտանշանների առկայության դեպքում հարկավոր է անհապաղ դիմել մասնագետին ու բուժզննում անցնել անհրաժեշտության դեպքում բուժումը ժամանակին սկսելու համար։
Շաքարային դիաբետ
Վերջին տարիներին այս վտանգավոր հիվանդության տարածվածության մակարդակը կտրուկ աճել է, ինչն առաջին հերթին պայմանավորած է մարդկանց սխալ կենսակերպով։ Բանն այն է, որ ներկայում շատերը չեն հետևում ճիշտ սննդակարգին և չափազանց մեծ քանակությամբ շաքար պարունակող մթերք (օրինակ՝ գազավորված ըմպելիքներ) են օգտագործում, ինչն էլ նպաստում է նման վտանգավոր խնդրի զարգացմանը:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
