Նովոսիբիրսկի Մեշալկինի անվան բժշկական հետազոտական կենտրոնի գիտնականները gazeta.ru-ի հետ զրույցում ներկայացրել են հինգ ախտանշան, որոնց առկայության դեպքում հարկավոր է անհապաղ բուժզննում անցնել, քանի որ դրանք կարող են հուշել աղեստամոքսային տրակտի քաղցկեղի մասին։

Ուռուցքաբանների խոսքով՝ առաջին ախտանշանը որովայնի հաճախակի ցավերն են։

Բացի այդ, հարկավոր է զգոն լինել նաև ստամոքսի այրոցի և տևական ժամանակ որևէ պատճառով չպայմանավորված թուլության առկայության դեպքում։

Օնկոլոգիական հիվանդության զարգացման մասին կարող են հուշել նաև ախորժակի կորուստն ու գունատությունը, ուստի այս ախտանշանները ևս չի կարելի անտեսել։

Ինչպես շեշտել են մասնագետները, ժամանակին անցած բուժզննումը թույլ է տալիս հնարավորինս շուտ հայտնաբերել խնդիրը, ինչի շնորհիվ էլ բարձրացնում է բարեհաջող բուժման հավանականությունը։

Սա է պատճառը, որ վերոնշյալ ախտանշանները ոչ մի դեպքում չի կարելի անտեսել։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ