Կանանց համար արտահայտված փորը կամ կլոր ազդրերը մի ամբողջ խնդիր են, որոնք պետք է թաքցված լինեն այլ աչքերից:

Փոխարենը՝ տղամարդկանց համար դրանք գեղեցիկ տեսք ունեն:

Եթե, այնուամենայնիվ, նույնիսկ տղամարդկանց կարծիքը ձեզ չի համոզում, և ցանկանում եք թաքցնել կազմվածքի այդ թերությունները, ապա ավելի լավ է դա անել հագուստի օգնությամբ:

Ստորև բերված են մի քանի տարբերակ՝ լիքը կոնքերը ու դուրս ցցված փորը քողարկելու համար:

Ավելի լավ է ընտրեք ազատ ձևվածքը, քան կիպ հագուստ

Միաերանգի և պարզ գործվածքի օգնությամբ դուք կարող եք ընդգծել կազմվածքի առավելությունները և թաքցնել առկա թերությունները: Ընտրելով մուգ երանգներ, հնարավոր է տեսողականորեն ներդաշնակ ուրվագիծեր ստանալ, բայց պետք չէ մոռանալ նաև պաստելային երանգների մասին: Հետաքրքիր կնայվեն բաց շականակակույնը, բեժ, կաթի, պիստակի, կրեմի և ավազի գույները:

Կարևոր է ուշադրություն դարձնել հագուստների ձևվածքին: Կիպ հագուստները կշեշտադրեն մարմնի բոլոր «ծալքերը» և գիրությունը: Լավ է հագուստի վրա ավելացնել շատ շերտեր և չկենտրոնանալ իրանի և ազդրերի վրա: Հետաքրքիր տեսքի կունենան միերանգ շերտերը՝ միմյանց հետ համադրված:

Ուշադրություն դարձրեք գծավոր հագուստին

Ուղղահայաց զարդարանքների, նախշերի և գծերի շնորհիվ կազմվածքը կարելի է տեսողականորեն երկարաձգել և նրբագեղ դարձնել:

Կարևոր դեր են կատարում նաև գծերի լայնությունն ու հաճախությունը:

Ավելի լավ է խուսափել լայներից, քանի որ դրանք ավելացնում են լրացուցիչ ծավալ, իսկ ահա նեղ և հաճախակի գծերն այն են, ինչ հարկավոր են գիրուկ գեղեցկուհիներին:

Եթե, օրինակ, գծավոր հագուստը ձեզ համար չափազանց ճչացող է, ապա այդ դիզայնով կարող եք ընտրել մեկ դետալ, ասենք՝ վերնաշապիկ:

Շեշտադրեք մարմնի այլ մասերը

Որպեսզի շեշտը չդրվի որովայնի վրա՝ ընդգծեք կանանց մարմնի ամենագեղեցիկ մասը՝ կուրծքը: Պարզ, ոչ շատ խորը բացվածքը՝ սովորական սև զգեստի, դասական տաբատի կամ մատիտ-կիսաշրջազգեստի հետ միասին:

Պետք է ընտրել ծնկից մի փոքր ներքև երկարությամբ շրջազգեստ կամ մաքսի

Շրջագեստների համար կատարյալ կլինեն ուղիղ ձևվածքները կամ վրադիր մոդելը: Ինչ խոսք, ավելի լավ է ընտրել միագույնը, բայց մեծ ծաղիկներով հագուստները նույնպես լավ կնայվեն: Պետք է խուսափել գոտկատեղն ընդգծող շրջազգեստներ հագնելուց:

Որովայնը և լիքը ազդրերը թաքցնելու համար կատարյալ են համարվում A-աձև շրջազգեստները՝ առանց իրանն ընդգծող հատվածների և բարձր գոտկատեղով: Նման կտրվածքի շնորհիվ հնարավոր է օգտագործել ոչ միայն մուգ գույնի կտորներ, այլև զգեստապահարանը հարստացնել բազմերանգ համադրություններով:

Միայն միաերանգ բլուզներ և վերնաշապիկներ

Միաերանգ վերնաշապիկները և բլուզները հարմար են ցանկացած միջոցառման համար: Դրանք կարելի է հագնել թե գրասենյակում, թե հանգստյան օրերին՝ զբոսանքի գնալիս: Կարևորը՝ կերպարի ճիշտ համադրությունն է:

Պետք չէ խուսափել տոպերից, տունիկներից և շապիկներից

Փորիկի ատկայության դեպքում, հարկավոր չէ հրաժարվել տոպերից, տունիկներից և շապիկներից: Պարզապես հարկավոր է փոխարինել կիպ գրկող մոդելները ազատներով: Բայց «ազատությունը» մի չարաշահեք, քանի որ շատ մեծ չափսերը կարող են էլ ավելի մեծ դարձնել կազմվածքը:

Կարևոր է, թե ինչպես են նստում տաբատները

Փարթամ կազմվածքով գեղեցկուհիների համար, որովայնը և կոնքերը թաքցնելու հիանալի լուծում է բարձր գոտիով տաբատը: Հենց դա է, որ իրանից դեպի ազդրեր անցնող գիծը սահուն կդարձնի: Կլասիկ սև բարձր գոտկատեղով տաբատը պետք է լինի հիմնային՝ թմբլիկ կազմվածքով կանաց զգեստապահարանում:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ