Եղունգների լաքը կարող է պատմել ձեր բնավորությանմասին ավելին, քան դուք կարծում եք:
Իհարկե, եղունգների լաքի միջոցով ճշտորեն որոշելը կնոջ բարդ էությունը անհնար է, այնուհանդերձ, որոշակիորեն կարելի է բացահայտումներ անել:
Բացի այդ, եղունգների մասնագետները միշտ պատրաստ են խորհուրդ տալ, թե ինչպես է ձեր նախընտրած մանիկյուրի երանգը համապատասխանեցնել ձեր հագուստի ոճին:
Վարդագույն
Բարբի ոճի մեջ վառ վարդագույնը խոսում է այն մասին, որ դուք քաջ եք, սեքսուալ առումով հանգիստ և շքեղության նկատմամբ ոչ անտարբեր:
Դեղին
«Կանայք, ովքեր նախընտրում են դեղին լաքը, բոհեմական ռոքերներ են», -ասում է եղունգների կոսմետիկայի փորձագետ Ջիջեր Ջոնսոնը: Մասնագետը խորհուրդ է տալիս համատեղել դեղինը փոքրիկ սև շրջազգեստի և ջինսե շորտերի հետ:
Մարջանագույն և նարնջագույն երանգներ
Այս երանգներն ամռանը միշտ նորաոճ են: նյույորքյան SPA Jin Soon Natural Hand and Foot Spa-ի տնօրեն Ջիլ Սուն Չոյի խոսքերով՝ կանայք, ովքեր սիրում են նարնջագույն եղունգների լաք կամ երջանիկ են կամ շատ են ցանկանում երջանիկ լինել: Նրանց կարգախոսն է․ «Կյանքը կարճ է, չարժե ժամանակ կորցնել»:Ամառային թեթև շրջազգեստի հետ նարնջագույն լաքը գլամուր և կոկիկ տեսք է տալիս, իսկ պեդիկյուրի համար առավել հարմար է բաց դեղձի գույնի երանգը:
Նեոնային կանաչ կամ երկնագույն
Բաց կանաչ և երկնագույն լաք ընտրող կանայք շարժուն են, սիրում են խոսել և շփվող են: Եթե նման կինը աշխատում է գրասենյակում, ապա համոզված եղեք, նա ճշտորեն չի հետևի հագուսի գրասենյակային ոճին: Սովորաբար նրանք լավատես են ու անմիջական և գերադասում են աշխատել մեդայի ոլորտում:
Թափանցիկ սպիտակ
«Կինը, ով ընտրում է թափանցիկ սպիտակ լաքային երանգ, որը երկար է պահպանվում, ինքնավստահ է, գիտի, թե ինչ է ուզում, և նրան հեշտ չէ ստիպել փոխել իր կարծիքը»,-այսպես է կարծում է Essie Cosmetics ապրանքանիշի հիմնադիր Էսսի Վանգարտենը: Այս տոները հարմար են ձեռքերի եղունգների համար, իսկ ոտքերի եղունգներին դրանք գեղեցիկ տեսք կունենան, եթե ոտքերը մուգ մաշկ ունենան կամ արևի լոգանք ստացած լինեն:
Բաց վարդագույն
Այս գույնի եղունգների լաքը ընտրում են պահպանողական կանայք` կարծում է Էսսի Վանգարտենը: Այս գույնը շատ նրբագեղ է և նախատեսված է կարիերային մեծ կարևորություն հատկացնող կանանց համար, այն զուսպ և միաժամանակ կանացի տեսք ունի: Ընտրելով այս երանգը եղեք ինքներդ ձեզ հավատարիմ և գնացեք մինչև վերջ՝ հագնելով կիսաշրջազգեստ, իրանը գրկող կոստյում կամ երեկոյի սև շրջազգեստ՝ մեկ շարք մարգարիտներով:
Կարմիր
Շքեղություն, ուժ և ռոմանտիկա՝ ահա այն կանանց բնութագիրը, ովքեր գերադասում են կարմիր եղունգների լաքը: Նման կինը ուզում է ցույց տալ, որ ինքը բաց է, գուցե սիրահարված և գնում է ժամադրության:
Ոսկեգույն
Այս գույնը նախընտրում են նորաձևության գիտակները, ովքեր կարող են անգամ այդ մասին խորհուրդներ տալ մյուսներին: Մասնագետները խորհուրդ են տալիս այդ լաքը օգտագործել ջինսեր կրելիս:
Մանուշակագույն և բորդո
Այս գույնն ընտրող կինը պատրստ է ամեն ինչի սահմանն անցնել: Այն հարմար է և ժամանակակից և գործարար կնոջ համար: Մանուշակագույնի առավել մուգ երանգները հարմար են երեկոյաների, իսկ առավել վառ և բաց երանգները`ցերեկային հանդիպումների համար:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
