Մասնագետները նշել են աղիների քաղցկեղի մասին հուշող այն ախտանշանը, որը հաճախ է անտեսվում

Աղիների քաղցկեղը շատ վտանգավոր հիվանդություն է, որի բուժման արդյունավետությունը կախված է դրա վաղ ախտորոշումից, քանի որ ժամանակին հիվանդությունը չախտորոշելու դեպքում բուժումը կարող է անարդյունավետ լինել։ Սա է պատճառը, որ մասնագետները հորդորում են զգոն լինել, պարբերաբար բուժզննում անցնել և անուշադրության չմատնել խնդրի մասին հուշող ախտանշանները, քանի որ միայն այդ դեպքում կհաջողվի հայտնաբերել հիվանդությունը զարգացման վաղ փուլերում և միջոցներ ձեռնարկել դրանից ազատվելու համար։ Սակայն խնդիրն այն է, որ աղիների քաղցկեղը կարող է դրսևորվել ոչ շատ ակնհայտ ախտանշաններով, ուստի շատերը դրանք անգամ չեն նկատում կամ վերագրում են այլ խնդիրներին, ինչի հետևանքով հիվանդությունն ախտորոշվում է չափազանց ուշ։ Նման խնդիրներից խուսափելու համար մասնագետները ներկայացրել են կոլոռեկտալ քաղցկեղի մասին հուշող այն ախտանշանը, որը ոչ մի դեպքում չի կարելի անուշադրության մատնել։

Ինչպես գրում է Medicalxpress պարբերականը, այս հիվանդության մասին հուշող և հաճախ անտեսվող ախտանշաններից մեկը կարող է լինել արյան մեջ երկաթի ցածր մակարդակը, որը կարող է հանգեցնել սակավարյունության (անեմիա) զարգացման։ Այս խանգարումը սովորաբար հայտնաբերվում է արյան հետազոտության շնորհիվ, սակայն կան նաև որոշ արտաքին ախտանշաններ, որոնք կհուշեն դրա մասին։

Մասնագետների խոսքով՝ արյան մեջ երկաթի ցածր մակարդակը բավական վտանգավոր ախտանշան է, որը կարող է պայմանավորված լինել առողջական մի շարք խնդիրներով, այդ թվում՝ աղիների չարորակ ուռուցքով։ Այս տարրի մակարդակը ստուգելու համար կարելի է արյան անալիզ հանձնել, իսկ կասկածների դեպքում մասնագետը կարող է նշանակել նաև կղանքի անալիզ դրանում արյան հետքերը ստուգելու համար, ինչպես նաև կոլոնոսկոպիկ հետազոտություն հնարավոր ուռուցքը հայտնաբերելու համար։

Քաղցկեղի այս տեսակով պայմանավորված երկաթի ցածր մակարդակը կարող է դրսևորվել տարբեր ախտանշաններով, որոնք ոչ մի դեպքում չի կարելի անուշադրության մատնել։ Այս խնդրի դեպքում կարող է նկատվել անբացատրելի սաստիկ հոգնածություն ու մաշկի գունատություն, ինչպես նաև գլխապտույտ, որը հաճախ ի հայտ է գալիս նստած կամ պառկած դիրքից կագնելու դեպքում։

Մասնագետները նախազգուշացնում են, որ մինչ վերջերս համարվում էր, որ աղիների քաղցկեղը որպես կանոն ախտահարում է 50 տարեկանից բարձր անձանց, սակայն վերջին տարիներին նկատվում է հիվանդության «երիտասարդացման» միտում, ուստի հարկավոր է շատ զգոն լինել։ Վիճակագրական տվյալներով՝ վերջին տարիներին այս հիվանդությունը 9%-ով ավելի հաճախ է ախտորոշվում երիտասարդ անձանց մոտ։

Հիվանդության զարգացումից խուսափելու համար հարկավոր է առաջին հերթին խուսափել դրան նպաստող ռիսկային գործոններից։ Քաղցկեղի այս տեսակի զարգացման հավանականությունը բարձրանում է ավելորդ քաշի, վերամշակում անցնած մթերքի գործածության, ալկոհոլի գործածության ու ֆիզիկական ակտիվության պակասի դեպքում, ուստի այս գործոնների առկայության դեպքում հարկավոր է շատ ավելի զգոն լինել։

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

5 գաղտնի կազմակերպություններ, որոնք իսկապես կառավարում են աշխարհը
Ի՞նչ է տեղի ունենում մարմնի հետ, երբ սեքսով չեք զբաղվում
Բնական միջոց, որը ձեզ կազատի բակտերիաներից, սնկից, հերպեսից, արթրիտից
Ինչպես գտնել երազանքի տղամարդուն
Կազմվածքի համար լավագույն 5 ըմպելիքները
Սովորություններ, որոնք լրջորեն վնասում սեռական ֆունկցիան

ԱՄԵՆԱԸՆԹԵՐՑՎԱԾ

Դաստիարակության 10 ոսկե կանոններ՝ հոգեբան Յուլյա Հիպպենռեյթերից
Ինչու՞ են կանայք դավաճանում
Ինչի՞ հետ է կապված մշտապես սեքսով զբաղվելու անհագ ցանկություն ունենալը
Հայտնի են կնոջ ամենասեքսուալ հասակը և քաշը
«Մահանալը՝ ոչինչ, սարսափելին չապրելն է». Վիկտոր Հյուգոյի լավագույն 25 մտքերը
Արտահայտություններ, որ տղամարդիկ պաշտում են լսել
«Երբ դուք բաց եք թողնում, դեպի ձեզ է վերադառնում լավագույնը». Շրի Ռավի Շանկարի 7 անգին խորհուրդները
Ի՞նչ կարելի է անել, որ տղամարդը կարոտի ձեզ. 8 հիանալի խորհուրդներ
Աղիների մաքրում և օրգանիզմի երիտասարդացում կտավատի ալյուրով

ԲԱՑ ՄԻ ԹՈՂԵՔ

5 գաղտնի կազմակերպություններ, որոնք իսկապես կառավարում են աշխարհը
Մահացել է դերասանուհի Լալա Մնացականյանը
Ի՞նչ է տեղի ունենում մարմնի հետ, երբ սեքսով չեք զբաղվում
3 բան, որ պետք է ցանկացած տղամարդու
Թեստ հանելուկ․ Դե ասեք՝ ի՞նչն է
Բնական միջոց, որը ձեզ կազատի բակտերիաներից, սնկից, հերպեսից, արթրիտից
Թեստ, որ շատ քչերին է հաջողվում հաղթահարել․ Փորձե՞նք
Ինչպես գտնել երազանքի տղամարդուն
Կազմվածքի համար լավագույն 5 ըմպելիքները