Սուն Յատսենի անվան համալսարանի գիտնականները պարզել են, որ գլյուկոկինազա ֆերմենտի ակտիվացումը կարող է նվազեցնել գլյուկոզայի մակարդակը ճարպերով հարուստ սննդակարգի դեպքում, սակայն միևնույն ժամանակ այն բարձրացնում է լյարդի ճարպակալման հավանականությունը։ Հետազոտության արդյունքները հրապարակվել են Liver Research պարբերականում։
Մոլորակի բնակչության մետ 20 տոկոսի մոտ առկա է լյարդի ոչ ալկոհոլային հիվանդություն, իսկ նրանցից 56 տոկոսի մոտ ախտորոշվել է նաև երկրորդ տիպի շաքարային դիաբետ։ Մասնագետներն ընդգծում են, որ ճարպակալումը մետաբոլիկ խանգարումների, այդ թվում նաև վերոնշյալ հիվանդությունների զարգացման հիմնական ռիսկային գործոնն է։ Ընդ որում, ենթադրվում է, որ այս ախտորոշումներով հիվանդների թիվն անդադար աճելու է։
Վերջերս գլյուկոկինազա ֆերմենտն ակտիվացնող նյութերը բեկումնային են դարձել 2-րդ տիպի շաքարային դիաբետի բուժման հարցում։ Դեղատներում վաճառվող դեղամիջոցները, ինչպիսին է, օրինակ, դորզագլիատինը, ապացուցել են իրենց արդյունավետությունն արյան մեջ շաքարի մակարդակի նվազեցման հարցում։ Սակայն, այնուամենայնիվ, նոր հետազոտությունը ցույց է տվել, որ չնայած 2-րդ տիպի շաքարային դիաբետի վերահսկողության հարցում դրանց արդյունավետությանը, դրանց ընդունումը կարող է հանգեցնել լյարդում ճարպի կուտակման։
Այս տվյալները փաստում են, որ հարկավոր է հավելյալ ուսումնասիրություններ անցկացնել։ Բացի այդ, ստացված տվյալները կարող են հիմք հանդիսանալ որոշ քրոնիկ հիվանդությունների, այդ թվում՝ 2-րդ տիպի շաքարային դիաբետի և լյարդի ոչ ալկոհոլային հիվանդության բուժման անհատական մարտավարության մշակման համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
