Սրտանոթային վիրաբույժ Անաստասիա Ակուլովան Գազետա.Ru-ին պատմել է, թե ինչ գործոններ կարող են մեծացնել կապտուկների վտանգը։
Բժշկի խոսքով՝ անոթների փխրունությունը պայմանավորված է թերսնուցմամբ, մասնավորապես՝ C և P վիտամինների պակասով, ինչպես նաև շաքարախտով։
Անոթների վնասման մեկ այլ պատճառ են համակարգային աուտոիմուն հիվանդությունները, ինչպիսիք են գայլախտը և վասկուլիտը:
«Հղիության ընթացքում կապտուկների առաջացումը հազվադեպ չէ, քանի որ կա հորմոնալ անհավասարակշռություն: Թրոմբոցիտոպենիայով (վիճակ, որը բնութագրվում է թրոմբոցիտների աննորմալ ցածր մակարդակով.- խմբ.) արյան մեջ թրոմբոցիտների թիվը նվազում է։ Արդյունքում հիվանդը քթից հաճախակի արյունահոսություն է ունենում, իսկ մաշկի տակ նկատելի հեմատոմաներ կարող են հայտնվել»,- ըստ shantnews-ի՝ ավելացրել է Ակուլովան։
Բժիշկը նշել է, որ հիվանդները, ովքեր երկար ժամանակ ընդունում են արյունը նոսրացնող դեղամիջոցներ, հակված են հեմատոմաների հաճախակի առաջացմանը։ Միևնույն ժամանակ, կապտուկների հակումը մեծանում է տարիքի հետ՝ կապված հյուսվածքների առաձգականության կորստի և երակների, զարկերակների և մազանոթների քայքայման հետ։
Կապտուկներն առաջանում են սուր անկյուններին կամ բութ առարկաներին հարվածելու արդյունքում և ինքնուրույն անհետանում։ Ընդարձակ հեմատոմայի դեպքում անհրաժեշտ է բժշկական միջամտություն։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
