Մյասնիկովը թվարկել է դրանք և նշել յուրաքանչյուրի հատկությունները։
Բժիշկ և հեռուստահաղորդավար Ալեքսանդր Մյասնիկովը «Ռոսիա 1» հեռուստաալիքի եթերում խոսել է ԽՍՀՄ-ում տարածված և մեր ժամանակներում մոռացված մի քանի օգտակար մթերքների մասին։
Բժշկի խոսքով՝ Խորհրդային Միությունում երեխաներին ստիպում էին ձկան յուղ խմել` հավաստիացնելով, որ այն մեծ օգուտ է բերում օրգանիզմին։
Ձկան յուղն իսկապես բարելավում է իմունիտետը, հիշողությունը և ընդհանուր առողջությունը։
Շատ տարածված էր նաև հեմատոգեն խմելը, որն օգնում էր բարձրացնել արյան մեջ հեմոգլոբինի մակարդակը, ինչպես նաև անցկացնում էր հոգնածությունն ու թուլությունը։
«Դա պարզապես շոկոլադե սալիկ չէր, դա ցլի արյուն էր, որն իր մեջ պարունակում էր նաև երկաթ ու շաքար: Հեմատոգեն բոլորին էին տալիս, որովհետև նաև համեղ էր»,- նշել է բժիշկը` հավելելով, որ հեմատոգեն տալիս էին` անկախ նրանից` երեխաներն ունեին անեմիա (սակավարյունություն), թե ոչ։
Բժիշը խոսել է նաև մեկ այլ օգտակար մթերքի՝ ծովային կաղամբի մասին, որը մեծ քանակությամբ յոդ, վիտամիններ և հակաօքսիդանտներ է պարունակում։
Խնձորի քացախը վերջինն է Մյասնիկովի ցուցակում. այն օգնում էր ազատվել ավելորդ կիլոգրամներից և արդյունավետորեն պայքարել թեփի դեմ։
Դրանով նաև ջերմությունն էին իջեցնում` թրջելով ջերմող հիվանդի վերջույթները։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
