Մաշկի ստրիաները որպես կանոն առաջանում են քաշի կտրուկ տատանումների հետևանքով, սակայն որոշ դեպքերում այս տարածված կոսմետիկ թերությունը կարող է խոսել շատ ավելի վտանգավոր առողջական խնդիրների մասին։ Այս մասին «Վեչերնյայա Մոսկվա»-ի հետ զրույցում ասել է բժիշկ մաշկավեներոլոգ Յուլիա Անդրեանովան։
Ստրիաներն առավել հաճախ ի հայտ են գալիս ազդրերի ներքին հատվածում, որովայնի կողային հատվածներում, կրծքին, ուսերին ու թևերին, իսկ դրանցից ազատվելը ծայրահեղ դժվար է։ Սա սովորաբար դիտարկվում է որպես զուտ կոսմետիկ խնդիր, մինչդեռ մասնագետը նախազգուշացնում է, որ մարմնին առաջացած այս տհաճ բծերը կարող են պայմանավորված լինել հորմոնալ խանգարումներով, ինչն անտեսելը բավական վտանգավոր է։
«Ստրիաների առաջացումը կապված է մաշկի ակտիվ ձգման հետ, ինչը տեղի է ունենում աճի փուլում, հղիության ընթացքում կամ քաշի կտրուկ մեծացման դեպքում։ Դրանք կարող են վկայել ներզատական (էնդոկրին) համակարգում առկա խնդիրների մասին», – նախազգուշացրել է բժիշկը։
Նրա խոսքով՝ քաշի կտրուկ կորուստը ևս կարող է հանգեցնել ստրիաների առաջացման, ուստի մինչ խիստ սննդակարգերին հետևելն ու ավելորդ կիլոգրամների դեմ պայքարն սկսելը հարկավոր է անպայման խորհրդակցել ներզատաբանի հետ հնարավոր առողջական խնդիրները բացառելու համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
