Ծխախոտի գործածությունը, օրվա ընթացքում բավարար քանակությամբ հեղուկ չխմելը և ոտքերը մեկը մյուսի վրա դրած նստելու սովորությունը կարող են հանգեցնել թրոմբոզի զարգացման: Այս մասին «Մոսկվա 24»-ի հետ զրույցում ասել է թերապևտ Նադեժդա Չերնիշովան։
Փորձագետի խոսքով՝ գիտնականներն անցկացրել են ուսումնասիրություն, որին մասնակցել են նույն սեռի ու տարիքի և նմանատիպ ուղեկցող հիվանդություններ ունեցող ծխող և չծխող մարդիկ: Արդյունքում պարզվել է, որ ծխողների մոտ շատ ավելի հաճախ էր թրոմբոզ զարգանում։
«Ծխելը բացասաբար է անդրադառնում արյան մակարդման վրա և նպաստում է թրոմբների առաջացմանը: Դրա պատճառով խաթարվում է արյան միկրոշրջանառությունը, վատթարանում է հյուսվածքներին արյան մատակարարումը», – նշել է Չերնիշովան՝ հավելելով, որ ոտքերը մեկը մյուսի վրա դրած նստելը նույնպես դասվում է վնասակար սովորությունների շարքին, քանի որ այդ դեպքում սեղմվում են ծնկի տակի կամ աճուկի երակները, ինչի հետևանքով արյունը լճանում է, և արդյունքում կարող է թրոմբոզ զարգանալ։
Այս վտանգավոր հիվանդության զարգացմանը կարող է նպաստել նաև օրվա ընթացքում բավարար քանակուրյամբ ջուր չխմելու սովորությունը, քանի որ այդ դեպքում արյունը թանձրանում է։ Նման դեպքում վտանգը նվազեցնելու համար մասնագետը խորհուրդ է տվել օրական բավարար քանակությամբ ջուր խմել, ինչը նշանակում է, որ մարմնի զանգվածի յուրաքանչյուր մեկ կիլոգրամի դիմաց հարկավոր է խմել առնվազն 30 մլ ջուր։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ