Բարձր ջերմությունը սպիտային լուծույթով, օղիով կամ քացախով նվազեցնելը վաղուց համարվում է այս խնդրի դեմ պայքարի ամենատարածված ժողովրդական միջոցներից մեկը, մինչդեռ մասնագետները դրան կտրականապես դեմ են։ Թերապևտ Իրինա Յարցևան այս մեթոդն առհասարակ համարում է վատագույնը՝ նշելով, որ այն կարող է շատ վատ հետևանքների հանգեցնել։
Մասնագետի խոսքով՝ բարձր ջերմության դեպքում օղին կարող է միայն թունավորել օրգանիզմը։ Ինչպես մանրամասնել է բժիշկը, մարդու մաշկը ներծծում է օղին, ինչը հանգեցնում է ինտոքսիկացիայի ու ջրազրկման։ Նույնը վերաբերում է նաև քացախի գործածությանը։
Ըստ Յարցևայի, մարմինը մի փոքր սառեցնելու և ջերմությունը նվազեցնելու համար մաշկը մաքուր սառը ջրով շփելը բավական կլինի։ Նման դեպքերում որևէ հատուկ հեղուկի կիրառման անհրաժեշտություն չկա։
Չկա նաև անհապաղ հակաբիոտիկներ ընդունելու անհրաժեշտությունը, քանի որ նման դեղամիջոցները ոչ բոլոր դեպքերի համար են նախատեսված։ Հակաբիոտիկները կիրառվում են ինֆեկցիոն գործընթացների զարգացումը կանխելու համար, ուստի բարձր ջերմության ու վիրուսային վարակների դեպքում դրանք անարդյունավետ կլինեն։
Բացի այդ, բարձր ջերմությունը հարկավոր է նվազեցնել միայն ինքնազգացողության խիստ վատթարացման դեպքում։ Եթե նույնիսկ 38°C-ի դեպքում հիվանդի ինքնազգացողությունը համեմատաբար լավ է, ապա ջերմությունը նվազեցնելու անհրաժեշտություն չկա, փոխանցում է doctor.rambler.ru-ն։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ