Սրտային անբավարարությունը մի քանի ախտանշան է ունենում։ Այս մասին «Մոսկվա 24»-ի հետ զրույցում ասել է սրտաբան Յուրի Սերեբրյանսկին՝ ներկայացնելով դրանցից հիմնականները։
«Սրտային անբավարարության առաջին ախտանշանը հևոցն է։ Այսինքն՝ արագացած շնչառությունը, որի դեպքում մարդն սկսում է բերանով շնչել», – նշել է մասնագետը՝ շեշտելով, որ այս հիվանդության դեպքում հևոցն ի հայտ կգա արագ քայլելու կամ ճանապարհի որևէ կարճ հատված վազքով անցնելու դեպքում։
Սրտանոթային համակարգի այս վտանգավոր ախտաբանության մասին հուշող երկրորդ ախտանշանն այտուցների առկայությունն է։ Այս դեպքում ոտքերի կամ սրունքների այտուցված հատվածներին սեղմելու դեպքում մաշկին առաջացած հետքը պահպանվում է որոշ ժամանակ։
Ինչպես նշել է մասնագետը, վերոնշյալ ախտանշանների առկայության դեպքում հարկավոր է անպայման դիմել պրոֆիլային մասնագետին ու ժամանակին սկսել բուժումը բարդություններից խուսափելու համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ