Խոլեստերինն անհրաժեշտ է օրգանիզմին՝ մի շարք կենսաքիմիական գործընթացներ իրագործելու համար:
Մյուս կողմից՝ խոլեստերինի բարձր մակարդակը կարող է վնասակար լինել և հանգեցնել մի քանի խախտումների և հիվանդությունների:
Խոլեստերինի բարձր մակարդակը, ինչպես ծխելը, ճարպակալությունը, շաքարախտը, արյան բարձր ճնշումը և նստակյաց կյանքը, կարող է հանգեցնել սրտանոթային հիվանդությունների:
Ձեզ ենք ներկայացնում մի քանի մթերքներ, որոնք ազդում են բարձր խոլեստերինի մակարդակի վրա:
Ծաղկակաղամբ
Հակաբորբոքային միջոց, օրգանիզմում նվազեցնում է տրիգլիցերիդներն ու խոլեստերինը, կարգավորում է արյան ճնշումը:
Ընկույզ – Հակաբորբոքային միջոց, բարձրացնում է դրական խոլեստերինը: Այն ընկուզեղենի միակ տեսակն է, որը զգալի քանակությամբ ալֆալինոլեն թթուներ և օմեգա-3 ճարպաթթու է պարունակում, որի շնորհիվ իջեցնում է օրգանիզմի վատ խոլեստերինն ու բարձրացնում դրական խոլեստերինը:
Խաղող
Կարմիր և մանուշակագույն խաղողը նվազեցնում է արյան գնդիկների առաջացման հավանականությունն ու իջեցնում բացասական խոլեստերինը: Այն նաև հարուստ է սրտանոթային առողջության համար օգտակար հակաօքսիդանտներով՝ այդ թվում ռեսվերատոլով ու Ֆլավոնոիդներով:
Շոկոլադ
Դառը շոկոլադը ֆլավոնոիդ հակաօքսիդանտներ է պարունակում, որոնք կանխում են թրոմբոցիտների միմյանց կպչելն ու սրտանոթների խցանումները: Շոկոլադը բարձրացնում է դրական խոլեստերինն ու կանխում բացասական խոլեստերինի օքսիդացումը:
Կարմիր պղպեղ
Կարմիր պղպեղը հարուստ է բացասական խոլեստերինը նվազեցնող մանրաթելերով ու սրտի համար առողջարար հակաօքսիդանտ վիտամին A-ով ու C-ով:
Կանաչ կամ սև թեյ
Հետազոտությունները ցույց են տվել, որ թեյը հանգստացնում է արյան անոթներն ու կանխարգելում արյան գնդիկների առաջացումը: Թեյը հարուստ է ֆլավոնոիդ հակաօքսիդանտով, որը նվազեցնում է արյան վատ խոլեստերինը:
Ձուկ
Օմեգա-3-ով ամենահարուստ այս սննդամթերքը բարձրացնում է դրական խոլեստերինն ու նվազեցնում բացասական խոլեստերինը:
Սխտոր
Սխտորը հարուստ է ալիցինով, որը հանգստացնում է արյան անոթները, լավացնում արյան շրջանառությունն ու նվազեցնում սրտի ճնշումը:
Թուզ
Թուզը նվազեցնում է բացասական խոլեստերինն ու արյան ճնշումը, քանի որ այն չափազանց հարուստ է մանրաթելերով:
Նուռ
Պունիկալագիններ կոչվող նյութը, որը կարելի է գտնել միայն նռան մեջ իջեցնում է բացասական խոլեստերինը, արյան բարձր ճնշումը, ինչպես նաև կանխում արյունատար անոթների կարծրացումը:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ