Շագանակագեղձի քաղցկեղը տղամարդկանց մոտ քաղցկեղի ամենատարածված տեսակն է:
Տարեկան աշխարհում այս հիվանդությունն ախտորոշվում է մոտ 1,6 միլիոն տղամարդու մոտ։
Այս մասին gazeta.ru-ի հետ զրույցում ասել է ուռուցքաբան Պավել Կոպոսովը՝ ընդգծելով, որ հիվանդությունը հիմնականում հանդիպում է 50 տարեկանից բարձր տղամարդկանց մոտ։
«Շագանակագեղձի քաղցկեղի զարգացմանը նպաստող ռիսկային գործոնների թվում ամենաշատ ուսումնասիրվածներն են՝ տարիքը, ռասայական պատկանելությունը և ընտանիքի անդամների շրջանում շագանակագեղձի քաղցկեղի դեպքերի առկայությունը», – նշել է Կոպոսովը:
Նրա խոսքով՝ առանձնահատուկ ուշադրություն է հարկավոր դարձնել ընտանեկան անամնեզին։
Ընդ որում՝ ոչ միայն ընտանիքի արական սեռի ներկայացուցիչների անամնեզին, այլև իգական։
Բանն այն է, որ եթե մոր մոտ առկա է եղել կրծքագեղձի քաղցկեղ, ապա նրա որդիների մոտ շագանակագեղձի քաղցկեղի զարգացման հավանականությունն ավելի բարձր է լինում։
Ուռուցքաբանը նաև հավելել է, որ շագանակագեղձի քաղցկեղի կանխարգելման համար 50 տարեկանից բարձր տղամարդիկ պետք է տարեկան առնվազն մեկ անգամ արյան հետազոտություն անցնեն PSA-ի՝ շագանակագեղձի սպեցիֆիկ հակագենի մակարդակն ստուգելու համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
