Կրծքում պնդացումները կրծքի քաղցկեղի ամենահայտնի նշաններից մեկն են:

Սակայն սա միակ նշանը չէ. կան նաեւ շատ այլ նշաններ, որոնց մասին, սակայն, քչերը գիտեն:

Փորձագետների կարծիքով՝ դուք պետք է ուշադրություն դարձնել կրծքագեղձերում ցանկացած փոփոխությանը եւ ժամանակին հայտնել դրանց մասին ձեր բժշկին:

Այդպես, կրծքի մեջ պնդացումից զատ հարկ է ուշադրություն դարձնել հետեւյալ ախտանիշներին.

Բորբոքում, թեպոտում,  մաշկի վրա լաքաներ կամ փոսիկներ

Եթե դուք նկատում եք ձեր կրծքի արտաքին տեսքի ցանկացած փոփոխություն, մի անտեսեք դա, դիմեք բժշկի: Ձեր ուշադրությունը պետք է գրավեն ցանկացած անսովոր մաշկի պնդացումներ, կարմրություն, ցան, լաքաներ մաշկի վրա, փոսիկներ եւ կնճռոտումներ:

Պտուկների փոփոխություններ

Մարդկանց պտուկները կարող են լինել տարբեր չափերի, ձեւերի, եւ դրանք կարող են տարբեր դասավորություն ունենալ: Դուք հավանաբար գիտեք, թե սովորական վիճակում ինչ տեսք ունեն ձեր պտուկները: Եթե դրանց ձեւը հանկարծակի փոխվել է, եթե դրանք դարձել են, օրինակ, ավելի ուռուցիկ կամ, հակառակը՝ ավելի տափակ, հարկ է դիմել բժշկի:

Արտադրություն պտուկներից

Արտադրությունը պտուկներից սովորական երեւույթ է հղիության ժամանակ, երբ կինը փոքր երեխա ունի, կամ ծննդաբերությունուից հետո մեր տարվա ընթացքում: Սակայն այլ դեպքերում դա մտահոգիչ ախտանիշ է, որը չի կարելի թողնել ինքնահոսի:

Պտուկներից ցանկացած արտադրությունների մասին, հատկապես եթե այն կարմիր կամ կանաչ գույն է, պետք է հայտնել բժշկին: Պաթոլոգիաների շարքում, որոնց մասին դրանք կարող են վկայել, կրծքագեղծի քաղցկեղն է եւ հիպոֆիզան:

Ցավոտ այտուցվածություն

Կրծքագեղձի այտուցվածությունը եւ ցավերը դրանցում կարող են հայտնվել կրծքագեղձի քաղցկեղի պատճառով, օրգանիզմում հորմոնալ փոփոխությունների պատճառով (հղիության ժամանակ, դաշտանից առաջ):

Քաղցկեղի դեպքում ցավերը սովորաբար կապված չեն դաշտանային ցիկլի եւ կրծքով կերակրելու հետ, այդ ցավերը հայտնվում են անսպասելիորեն կամ չեն անցնում, երբ սպասվում է: Ցավի արտահայտումն ու բնույթը կարող է կախված լինել ուռուցքի չափից ու տեղից:

Կրծքին չվերաբերող փոփոխություններ

Դա կարող է լինել մեջքի կամ պարանոցի ցավը, քաշի անսպասելի կորուստը, հոգնածությունը: Ուսումնասիրությունները ցույց են տալիս, որ նման ախտանիշներով օգնության դիմող կանանց մոտ պարբերաբար կրծքագեղձի քաղցկեղ է ախտորոշվում:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ