Սննդամթերքի տեսակներ, որոնցից պետք է զերծ մնալ երեկոյան ժամերին

Մարդու մարսողական համակարգի ճիշտ աշխատանքը շատ կարևոր նշանակություն ունի, սակայն հաճախ մարդիկ հաշվի չեն առնում այս համակարգի առանձնահատկություններն ու սխալ են սնվում, ինչը բավական տհաճ հետևանքներ է ունենում։ Մասնագետները նախազգուշացնում են, որ մարսողական համակարգն առավել ակտիվ է լինում առավոտյան ժամերին, իսկ երեկոյան դրա գործառույթները դանդաղում են։ Սա է պատճառը, որ մարսողական խնդիրներից խուսափելու համար մասնագետները խորհուրդ են տալիս լուրջ ուշադրություն դարձնել օգտագործվող մթերքին ու ընթրիքին բացառապես դյուրամարս ուտեստներ օգտագործել։ Ընդ որում՝ սա հատկապես կարևոր է նիհարել ցանկացողների համար, քանի որ սխալ ընթրիքը կարող է դառնալ քաշի ավելացման պատճառ։

Մասնագետների խոսքով՝ երեկոյան դժվարամարս սնունդ օգտագործելու դեպքում մարդու օրգանիզմը չի կարողանում մարսել այն ինչպես հարկն է, ուստի կուտակում է ավելորդ ճարպաշերտերի տեսքով։ Եթե նման մթերքով ընթրելը հաճախակի բնույթ է սկսում կրել, ապա քաշը նույնպես զգալի ավելանում է։

Սակայն քաշի ավելացումը, այնուամենայնիվ, միակ խնդիրը չէ, որ կարող է ի հայտ գալ նման դեպքերում։ Գոյություն ունեն սննդամթերքի տեսակներ, որոնք երեկոյան ուշ ժամերին օգտագործելը խիստ բացասաբար է անդրադառնում մարսողական համակարգի վրա և կարող է դառնալ այնպիսի խնդիրների պատճառ, ինչպիսին են ստամոքսի այրոցը, մարսողության խանգարումը, թթվային ռեֆլյուքսը կամ այլ տհաճ ախտանշանները։ Նման խնդիրները ոչ միայն շատ տհաճ են, այլև խիստ բացասաբար են անդրադառնում քնի որակի վրա, մինչդեռ քնի պակասը կարող է հանգեցնել առողջական մի շարք խնդիրների, այդ թվում նաև սրտի հիվանդությունների ու շաքարային դիաբետի սրման։ Այս ամենի հետ մեկտեղ նման կենսակերպը վատթարացնում է նաև գլխուղեղում արյան շրջանառությունը, ինչն էլ բարձրացնում է կոգնիտիվ խանգարումների, վարքային խանգարումների, տրամադրության տատանումների ու հոգնածության հավանականությունը։

Հաշվի առնելով նման խնդիրների զարգացման հավանականությունը՝ մասնագետները խորհուրդ են տալիս ընթրիքին հնարավորինս դյուրամարս մթերք օգտագործել, որը կունենա ցածր կալորիականություն և ճարպերի ու ածխաջրերի ցածր պարունակություն։ Միևնույն ժամանակ սննդաբանները խորհուրդ են տալիս երեկոյան ժամերին զերծ մնալ ստորև ներկայացված սննդամթերքի տեսակներից առողջական խնդիրներից խուսափելու համար։

Կարմիր միս

Կարմիր միսը պարունակում է շատ մեծքանակությամբ սպիտակուցներ, որոնք շատ օգտակար են ավելորդ քաշի դեմ պայքարում, սակայն միևնույն ժամանակ այս միսը հարուստ է նաև ճարպերով և ունի բարձր կալորիականություն, ինչի պատճառով բավական դժվարամարս սնունդ է համարվում երեկոյան ուտելու համար։ Մարսողական խնդիրներից խուսափելու համար սննդաբանները խորհուրդ են տալիս խուսափել կարմիր մսից՝ նախապատվությունը տալով ավելի առողջարար ու դյուրամարս սպիտակ մսին (հավի միս կամ հնդկահավի միս)։

Պաղպաղակ

Այս տարածված քաղցրավենիքը պարունակում է շատ մեծ քանակությամբ շաքար և ունի բարձր կալորիականություն, ուստի զարմանալի չէ, որ այն նույնպես խորհուրդ չի տրվում օգտագործել երեկոյան ժամերին։ Կաթնային ճարպի և ածխաջրերի համադրությունը երեկոյան ժամերին չափազանց լուրջ ծանրաբեռնվածություն է դառնում մարսողական համակարգի համար, ուստի մասնագետները հորդորում են խուսափել ուշ ժամերին նման մթերքի գործածությունից։

Խաչածաղկավոր բանջարեղեն

Բրոկոլին, ծաղկակաղամբն ու խաչածաղկավորների ընտանիքին պատկանող այլ բանջարեղենը համարվում են անչափ օգտակար մթերք, սակայն երեկոյան ժամերին դրանցից խորհուրդ է տրվում խուսափել։ Բանջարեղենի այս տեսակները պարունակում են մեծ քանակությամբ չլուծվող մանրաթելեր, որոնք յուրացնելու համար օրգանիզմից բավական շատ ժամանակ է պահանջվում, ուստի նորմալ քնելու և ինչպես հարկն է հանգստանալու համար մասնագետները խորհուրդ են տալիս երեկոյան ժամերին խուսափել բանջարեղենի այս տեսակներից։

Կետչուպ

Լոլիկից պատրաստված այս տարածված սոուսը պարունակում է մեծ քանակությամբ քաղցրացուցիչներ, որոնք նպաստում են արյան մեջ շաքարի մակարդակի բարձրացմանն ու ճարպերի ակտիվ կուտակմանը։ Բացի այդ, բարձր թթվայնության պատճառով այն նաև կարող է դառնալ ստամոքսի այրոցի ու մարսողության խանգարման պատճառ, ուստի երեկոյան ժամերին խորհուրդ չի տրվում ծանրաբեռնել մարսողական համակարգը կետչուպով։

Մուգ շոկոլադ

Մուգ շոկոլադը բավական օգտակար է օրգանիզմի համար, սակայն երբեմն այն մեծ քանակությամբ շաքար է պարունակում, ինչն էլ կարող է դառնալ քաշի ավելացման պատճառ։ Բացի այդ, այն պարունակում է ամինաթթու, որի պատճառով օրգանիզմը լարվում է և չի հանգստանում, ուստի երեկոյան շոկոլադ ուտելը կարող է խանգարել քունն ու դառնալ հոգնածության պատճառ։

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Որոնք են կանանց հիմնական սեքսուալ խնդիրները
Ի՞նչ կկատարվի մարմնի հետ, եթե ամեն օր շոկոլադ ուտենք
Հետաքրքիր փաստեր՝ մեր մաշկի մասին
Տղամարդկանց մոտ տեստոստերոնի մակարդակի նվազման 5 պատճառ
Կնոջ օրգանիզմի 8 առանձնահատկություն, որոնց մասին քչերը գիտեն
Ո՞ր ըմպելիքն է օգնում կանանց ավելի հեշտ տանել նախադաշտանային սինդրոմի շրջանը

ԱՄԵՆԱԸՆԹԵՐՑՎԱԾ

Դաստիարակության 10 ոսկե կանոններ՝ հոգեբան Յուլյա Հիպպենռեյթերից
Ինչի՞ հետ է կապված մշտապես սեքսով զբաղվելու անհագ ցանկություն ունենալը
8 նշան, որ մատնում են կանաց, ովքեր վաղուց սեռական հարաբերություն չեն ունեցել
Դեբեդը նորից գժվել է (Video)
Հայտնի են կնոջ ամենասեքսուալ հասակը և քաշը
«Մահանալը՝ ոչինչ, սարսափելին չապրելն է». Վիկտոր Հյուգոյի լավագույն 25 մտքերը
«Երբ դուք բաց եք թողնում, դեպի ձեզ է վերադառնում լավագույնը». Շրի Ռավի Շանկարի 7 անգին խորհուրդները
6 բան, որ չի կարելի անել սեռական հարաբերությունից առաջ
Արտահայտություններ, որ տղամարդիկ պաշտում են լսել

ԲԱՑ ՄԻ ԹՈՂԵՔ

Ինչո՞ւ Ստալինը ստիպեց Խրուշչովին մտնել բիլիարդի սեղանի տակ և ժամերով դուրս չգալ. պատմություն, որ քչերը գիտեն
«Թող փտի բանտում». ո՞ր սպորտաձևի համար էին ԽՍՀՄ-ում մարդկանց բանտարկում ու խստագույնս պատժում, որ այլևս դրանով չզբաղվեն
Թեստ` 120-ից բարձր IQ ունեցող մարդկանց համար
«Կոտորածներից ամենազարհուրելին ինքը տեսավ և ինքն էր, որ չխրատվեց». Դերենիկ Դեմիրճյանի «Հայը» պատմվածքն արդիական է առ այսօր
Մարմնի տարբեր մասերը համբուրելու իմաստը` ըստ հոգեբանության
Ո՞ր թիվն է տարբերվում մնացածից. Գտեք այն 10 վայրկյանում
Որակյալ սե#սի կանոնները. 8 քայլ մտերմության նոր մակարդակի հասնելու համար
Ինտելեկտուալ թեստ հետաքրքրասերների համար
Որոնք են կանանց հիմնական սեքսուալ խնդիրները