Հղի կանայք պետք է հրաժարվեն այնպիսի պրոցեդուրաներից, ինչպիսին են մազահեռացումը և պիլինգը։ Այս մասին lenta.ru-ի հետ զրույցում ասել է մաշկաբան-կոսմետոլոգ Սարան Մանխանովան։
Ինչպես պարզաբանել է մասնագետը, մազահեռացման որոշ տեսակները (շուգարինգ, լազերային մազահեռացում, ֆոտոմազահեռացում ու էլեկտրական մազահեռացում) խորհուրդ չեն տրվում, քանի որ պրոցեդուրան կարող է ցավոտ զգացողություններ առաջացնել, մինչդեռ պիլինգը կարող է հանգեցնել մաշկին պիգմենտային գունակների առաջացման, որոնցից ազատվելը բավական դժվար կլինի։
Բացի այդ, մաշկաբանն ընդգծել է նաև, որ հղիության ընթացքում հակացուցված են բիոռեվիտալիզացիան, մեզոթերապիան, պլազմաթերապիան և բոտոքսի ու ֆիլլերների ներարկումները։
«Հորմոնալ փոփոխությունների և իմունային ու նյարդային համակարգերի ռեակցիաների փոփոխության պատճառով նրանց օրգանիզմը կարող է վատ արձագանքել ընդունվող դեղամիջոցին կամ ընդհանրապես չարձագանքել ներարկվող նյութերին», – նշել է բժիշկը։ Բացի այդ, նա նաև ընդգծել է, որ «գեղեցկության ներարկումների» համար օգտագործվող դեղամիջոցների ազդեցությունը հղիների վրա չի ուսումնասիրվել, ուստի հայտնի չէ, թե որքանով են դրանք անվտանգ ապագա մայրերի համար։
Նա նաև հավելել է, որ հղի կանայք ստիպված են հրաժարվել ֆոնոֆորեզից, ֆոտոթերապիայից և դեմքի լազերային հղկումից։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
