![](https://znews.am/wp-content/uploads/2024/06/image_2024-06-11_133655241-504x270.png)
Կեսարյան հատումից հետո բարդությունների զարգացման հավանականությունը 35 տարեկանից հետո մեծանում է: Այս մասին նշված է Canadian Medical Association Journal-ում հրապարակված ֆրանսիացի գիտնականների հետազոտության մեջ:
Հետազոտության հեղինակ, բժիշկ Դայանա Կորբայի խոսքով՝ բարդությունների պատճառը կարող է լինել ոչ թե վիրաբուժական միջամտությունը, այլ հիվանդությունը, որը կեսարյան հատման բժշկական ցուցում է եղել:
Գիտնականները հետազոտության շրջանակում 1444 կանանց առողջության ցուցանիշները, որոնց մոտ հետծննդաբերական բարդություններ էին եղել, համեմատել են երեխաներին բարեհաջող ծնած 3464 կանանց տվյալների հետ:
Պարզվել է, որ հետնծննդաբերական բարդությունները մեծանում են 35 տարեկանն անց կանանց շրջանում:
Այսպես՝ այս տարիքից փոքր կանանց շրջանում կեսարյան հատման ժամանակ ծանր բարդությունների հավանականությունը մոտ 1,5 անգամ ավելի մեծ էր, քան բնական ճանապարհով ծննդաբերած կանանց շրջանում:
Միաժամանակ, 35 տարեկանն անց ծննդկանների դեպքում այսպիսի հավանականությունը գրեթե 2 անգամ էր մեծ:
Գիտնականները հույս ունեն, որ ստացած արդյունքները մանկաբարձ-գինեկոլոգները ի գիտություն կընդունեն:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ