![](https://znews.am/wp-content/uploads/2024/06/DrTan-blog-breast-symptoms-scaled-1-504x270.jpg)
Գիտնականները նշել են կրծքի քաղցկեղի զարգացման հիմնական պատճառները:
International Journal of Cancer-ում հրապարակված հետազոտության համաձայն՝ տվյալ չարորակ ուռուցքի զարգացմանը նպաստում են ճարպակալումը եւ ալկոհոլի չարաշահումը:
Ավստրալացի գիտնականները վերլուծել են 6 հետազոտությունների տվյալներ, որոնցում ներգրավված էր ավելի քան 200 հազար կին:
Պարզվել է, որ ալկոհոլիզմը եւ ավելորդ քաշը կրծքի քաղցկեղի զարգացման հիմնական պատճառներն են:
Վտանգավոր է նաեւ դաշտնադադարի ժամանակ հորմոնալ թերապիան. 7 տոկոս դեպքերում ավելի քան 5 տարով դրա կիրառումը հանգեցրել է քաղցկեղի զարգացման:
Բացասական արդյունք է նկատվել նաեւ դաշտնադադարի ժամանակ հակաբեղմնավորիչների երկարատեւ ընդունման դեպքում:
Գիտնականների հաշվարկներով՝ առաջիկա 10 տարում հենց ճարպակալմանը բաժին կհասնի կրծքագեղձի քաղցկեղի կանխարգելելի դեպքերի ամենամեծ թիվը:
Ալկոհոլի չարաշահումն այս վարկանիշում երկրորդ տեղում է:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ