Գիշերային առատ քրտնարտադրությունը և մարմնի մշտական բարձր ջերմաստիճանը կարող են լինել լիմֆոմայի մասին հուշող ախտանշաններ: Այս մասին Lenta.ru-ի հետ զրույցում հայտնել է ուռուցքաբան Ռուսլան Բասանովը։
Մասնագետի խոսքով՝ առավել հաճախ այս հիվանդությունը հանդիպում է 16-34 տարեկան երիտասարդների շրջանում։ Ախտորոշումը կարող է կատարվել միայն լաբորատոր և ուլտրաձայնային հետազոտությունների արդյունքների հիման վրա:
Լիմֆոմայի ախտանշանների շարքին կարող են դասվել ավշային հանգույցների մեծացումը, գիշերային առատ քրտնարտադրությունը, թուլությունը, քաշի անբացատրելի կորուստը, մշտապես բարձր ջերմությունը, իսկ երբեմն էլ՝ սաստիկ քորը: Բացի այդ, քաղցկեղի զարգացման հետ մեկտեղ կարող են ի հայտ գալ գլխացավեր, տեսողության հետ կապված խնդիրներ և շնչառական խնդիրներ (եթե ախտահարված է կենտրոնական նյարդային համակարգը):
Շատ տագնապալի նշան է որևէ հատվածում ավշային հանգույցների ողկուզաձև մեծացումը։ Ընդ որում, ինչպես նշում է մասնագետը, այդ դեպքում հանգույցները դառնում են անշարժ՝ կարծես մաշկի հետ միաձուլված
Նա նաև հավելել է, որ լիմֆոմաները լինում են երկու տեսակի՝ հոջկինյան և ոչ հոջկինյան։ Առաջին տեսակն ավելի հեշտ է բուժվում, մինչդեռ երկրորդն ավելի ագրեսիվ է և դժվար բուժվող։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
