Բժիշկ թերապևտ Էլլի Քենոնը Daily Mail-ին ասել է, որ բերանի խոռոչում տհաճ համի առկայությունը կարող է վկայել քթի, կոկորդի կամ սինուսների վարակի մասին:
Բացի այդ, այս խնդրի պատճառ կարող են դառնալ նշագեղձերի «քարերը»՝ սննդի, լորձի, բջջային դետրիտների և միկրոօրգանիզմների կալցիֆիկացված կուտակումները:
Թերապևտի խոսքով՝ քիթը, բերանը և քթի խոռոչները խոցելի են ախտածին միկրոօրգանիզմների ներթափանցման նկատմամբ:
Երբեմն բակտերիաներն ու վիրուսները դառնում են ախտաբանական վիճակների պատճառ, որոնց բնոոշ է բերանի խոռոչում տհաճ համի և քթից տհաճ հոտի ի հայտ գալը։
Մասնագետը մանրամասնել է, որ բերանի խոռոչում տհաճ համի առկայության մեկ այլ պատճառ կարող է լինել նշագեղձերի վրա լորձի, բակտերիաների և էպիթելի մնացորդների կուտակումները, որոնք կոչվում են նաև տոնզիլիտային «խցաններ»:
Նման «խցանների» առաջացման ստույգ պատճառը հայտնի չէ, սակայն որոշ մարդիկ դրանց քանակի աճ են նկատում հարբուխից ու նմանատիպ այլ հիվանդություններից հետո։
Թերապևտը նաև հավելել է, որ քիթկոկորդականջաբանները որպես բուժում սովորաբար նշանակում են դեղորայքային թերապիա և ֆիզիոթերապևտիկ պրոցեդուրաներ։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
