Տարիքի հետ մարդու կոգնիտիվ կարողությունները վատթարանում են, ինչի հետևանքով առաջին հերթին տուժում են հիշողությունը, ուշադրությունն ու մտածողության արագությունը։ Սա սովորաբար պայմանավորված է լինում գլխուղեղի ծերացմամբ, մինչդեռ կան միջոցներ, որոնք կօգնեն դանդաղեցնել այդ գործընթացը։
Ինչպես գրում է KP.RU-ն, մասնագետներին արդեն հայտնի են մի շարք գործոններ, որոնցից կախված է գլխուղեղի դեգրադացման արագությունը։
Ընդ որում, այդ լծակներից որոշները մարդկանց ձեռքում են լինում և կարող են արդյունավետ գործիք դառնալ խնդրի դեմ պայքարում։
Բժիշկների խոսքով՝ գլխուղեղի ակտիվության պահպանման համար առաջին հերթին հարկավոր է խուսափել վարակներից, այդ թվում՝ կորոնավիրուսից, գրիպից ու հերպեսից։
Դրա համար հարկավոր է պատվաստվել ու անհրաժեշտության դեպքում կիրառել համապատասխան դեղամիջոցներ։
Գլխուղեղի վիճակի վրա բացասաբար է անդրադառնում նաև սթրեսը։
Տագնապն ու վատ տրամադրությունը խթանում են ակտիվությունը, ինչն էլ «ծերացնում» է գլխուղեղը։
Սրթերսից ազատվելու համար կարելի է մարզվել, լողով զբաղվել ու շփվել մարդկանց հետ։
Գլխուղեղի աշխատանքի վրա կարող է ազդել նաև սննդամթերքը։
Այս օրգանի աշխատանքը խթանող սննդամթերքի տեսակների շարքին են դասվում հատապտուղները, մրգերը, բանջարեղենը, համեմունքներն ու ձուկը։
Բացի այդ, շատ օգտակար են հաճելի տպավորությունները, ուստի հարկավոր է հաճախել ցուցահանդեսներ, կարդալ հաճելի գրքեր ու հաճախ ֆիլմեր դիտել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
