Էրազմ Ռոտերդամցու անվան համալսարանին կից գործող բժշկական կենտրոնի և Հարվարդի համալսարանին կից Հանրային առողջապահության քոլեջի մասնագետներն անց են կացրել հետազոտություն, որի արդյունքում հայտնաբերել են պարզ ու արդյունավետ միջոց շաքարային դիաբետի զարգացման հավանականությունը զգալիորեն նվազեցնելու համար։ Այս մասին գրում է actualnews.org կայքը։
Գիտական աշխատանքի շրջանակներում մասնագետները վերլուծել են մի քանի հետազոտության արդյունքները, որոնց մասնակցել է շուրջ 200 հազար մարդ։
Մասնակիցներից 12 հազարի մետ հետազոտությունների ընթացքում զարգացել է շաքարային դիաբետ։
Ուսումնասիրության ընթացքում մասնագետները գնահատել են կամավորների սննդակարգը և եկել այն եզրահանգման, որ ամենօրյա սննդակարգում բարձրորակ ածխաջրերի, այդ թվում՝ ամբողջահատիկ մթերքի առկայությունը կապված է երկրորդ տիպի շաքարային դիաբետի զարգացման շատ ավելի ցածր հավանականության հետ։
Խոսքը դանդաղ ածխաջրերի մասին է, որոնք օրգանիզմի համար իրենց օգտակարությամբ գերազանցում են հագեցած ճարպաթթուներին, ինչպես նաև մոնոչհագեցած ճարպերին և բուսական ու կենդանական ծագում ունեցող սպիտակուցներին։
Գիտնականները վստահ են, որ այս հետազոտության արդյունքները կօգնեն ավելի ճիշտ միջոցներ ձեռնարկել շաքարային դիաբետի կանխարգելման համար։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
