Ամառն ասոցացվում է հանգստի հետ, սակայն կա ևս մի ասոցիացիա, որն, ի տարբերություն նախորդի, հաճելի չէ:

Այո՛, այո՛, խոսքը մոծակների խայթոցների մասին է:

zNews-ը ձեզ է ներկայացնում մի քանի եղանակ այս տհաճ երևույթը հաղթահարելու համար:

Խորհուրդ բժշկից

Լվացեք կծած հատվածը ջրով և օճառով

Այսպես դուք կմաքրեք վերքը մոծակի թքից, որն էլ հենց գրգռում է մաշկը և քոր առաջացնում: Այսպես վերքը կլավանա առանց բորբոքային հետևանքների:

Կծած հատվածին հնարավորինս արագ սառույց դրեք

Հիմնականում մոծակների կծածները ցավ չեն առաջացնում և հաճախ մենք դրանք բավականին ուշ ենք նկատում: Սառույցը կմեղմի տհաճ զգացողությունները և կիջեցնի ուռածությունը:

Վերքին դեղատնից գնված հատուկ մոծակների խայթոցների համար նախատեսված քսուք քսեք՝ հետևելով տուփի վրա նշված հրահանգներին:

Անգլիական աղով կամ սոդայով լոգանք ընդունեք: Դա կվերացնի քորի զգացողությունը:

Ժողովրդական միջոցներ

Ցավի և քորի զգացողությունները վերացնելու համար փորձեք մի քանի ժողովրդական միջոցներ`

• Սոդայի մեջ մի քանի կաթիլ ջուր լցրեք այնպես, որ խիտ, միասեռ զանգված ստացվի, և այդ քսուքը քսեք կծած հատվածին:
• Օգտագործեք միսը մարինացնելու համար օգտագործվող համեմունք, որը պարունակում է պապային ֆերմենտ: Դրան ավելացրեք մի քանի կաթիլ ջուր այնպես, որ ստացվի համասեռ զանգված և այն քսեք վերքին: Այն կվերացնի ուռածությունն ու քորը:
• Ճզմեք ասպիրինի հաբը և դրան մի քանի կաթիլ ջուր ավելացրեք այնպես, որ ստացվի համասեռ զանգված, ապա այն քսեք վերքին: Այն կվերացնի ցավի զգացողությունը:

Ընդունեք ցավազրկող դեղ, օրինակ՝ ասպիրին կամ ացետամինոֆեն: Օգտագործելուց առաջ ծանոթացեք տուփի վրայի հրահանգներին:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ