Արյան մակարդումը շատ կարևոր գործառույթ է, որը որոշ դեպքերում կարող է անչափ օգտակար լինել։
Տարբեր վնասվածքների դեպքում հենց այս հատկությունն է պաշտպանում մեծ քանակությամբ արյան կորստից ու դրա հետևանքով լուրջ բարդությունների առաջացումից, ուստի ոչ մի դեպքում չի կարելի նվազեցնել արյան մակարդելիությունը։
Այնուամենայնիվ այս կարևոր հատկությունը կարող է նաև շատ վտանգավոր լինել՝ հանգեցնելով անոթներում արյան մակարդուկների՝ թրոմբների առաջացման։
Նման մակարդուկների առաջացումը դառնում է թրոմբոզի զարգացման պատճառ, որն էլ համարվում է ամենավտանգավոր հիվանդություններից մեկը, սակայն մասնագետները պնդում են, որ բավարար ֆիզիկական ակտիվությունը կարող է պաշտպանել նման լուրջ խանգարման զարգացումից ու ազատել միանգամից երկու խնդրից՝ արյան լճացումից և ոչ պակաս վտանգավոր մեկ այլ խնդրից՝ ավելորդ կիլոգրամների կուտակումից։
Բացի այդ, թրոմբոզի կանխարգելման հարցում բավական մեծ դերակատարում կարող է ունենալ նաև մարդու սննդակարգը, ուստի այս գործոնը ևս չի կարելի անուշադրության մատնել։ Այս խնդրի կանխարգելման համար սննդաբանները խորհուրդ են տալիս հարստացնել սննդակարգը տարբեր ձկնատեսակներով, բանջարեղենով, ձիթայուղով ու վիտամին E-ով հարուստ մթերքով՝ միաժամանակ նվազեցնելով շաքարի, թխուկների ու արագ ածխաջրերի այլ աղբյուրների գործածությունը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
