Րոպեում 60 զարկից պակաս անոթազարկը կարող է վկայել կյանքի համար վտանգավոր մի շարք հիվանդությունների մասին։ Այս մասին «Վեչերնյայա Մոսկվա»-ի հետ զրույցում ասել սրտաբան Ալեքսեյ Ֆետոտովը։
Մասնագետի խոսքով՝ հազվասրտության կամ բրադիկարդիայի զարգացումը կարող է պայմանավորված լինել մարդու վիճակի առանձնահատկություններով կամ սրտանոթային համակարգի ախտաբանություններով։ Եթե հանգստի վիճակում անոթազարկը կանոնավոր չի գերազանցում րոպեում 60 զարկը, ապա հարկավոր է անպայման դիմել սրտաբանին։
«Անոթազարկի դանդաղման տագնապալի նշան կարող է լինել սրտի իշեմիկ հիվանդության, կրծքային հեղձուկի, սրտային անբավարարության ու սրտամկանի ինֆարկտի առկայությունը։ Այս խնդիրներին առավել հաճախ բախվում են 50 տարեկանից բարձր մարդիկ», – նշել է մասնագետը՝ ընդգծելով, որ առողջ մարդու մոտ սրտի կծկումների հաճախականությունը տատանվում է րոպեում 60-90 զարկի սահմաններում։
Միևնույն ժամանակ մասնագետը շեշտել է, որ դեռահասների սրտամկանը կարող է մի փոքր դանդաղ կծկումներ իրականացնել, ինչը նորմալ է։ Բացի այդ, հազվասրտությունը բնորոշ է նաև պրոֆեսիոնալ մարզիկներին, որոնց մոտ անոթազարկը կարող է նվազել՝ հասնելով մինչև րոպեում 45 զարկի, և չհամարվել ախտաբանական փոփոխություն։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
