Քաղցկեղը ներկայում ամենատարածված ու վտանգավոր հիվանդություններից մեկն է, որը տարեկան հազարավոր մարդկանց մահվան պատճառ է դառնում։ Սա այն հիվանդություններից է, որոնց բուժման արդյունավետությունը կախված է վաղ ախտորոշումից, ուստի խնդրի զարգացման մասին հուշող ախտանշաններն իմանալը շատ կարևոր է։
Մեծ Բրիտանիայի առողջապահության ազգային ծառայության (NHS) մասնագետները ներկայացրել են քաղցկեղի ամենավտանգավոր տեսակներից մեկի՝ կերակրափողի քաղցկեղի մասին հուշող հիմնական ախտանշանները, որոնք հաճախ վերագրվում են մարսողական համակագի այլ օրգանների հետ կապված խնդիրներին։ Ինչպես գրում է Daily Express պարբերականը, այս հիվանդությամբ պայմանավորված հնարավոր ախտանշաններից մեկը կարող է լինել կլման ժամանակ առաջացող դժվարությունը։
Քաղցկեղի այս տեսակի մասին կարող են նախազգուշացնել նաև կանոնավոր նկատվող սրտխառնոցն ու ստամոքսի այրոցը։
Այս ախտանշանները, իհարկե, կարող են պայմանավորված լինել նաև այլ խանգարումներով, սակայն բուժզննում անցնելը, այնուամենայնիվ, շատ կարևոր է։
Կերակրափողի քաղցկեղը կարող է դրսևորվել նաև հազով, որը չի մեղմվում տևական ժամանակ կամ ի հայտ է գալիս որևէ բան ուտելիս։
Մասնագետների խոսքով՝ հազվադեպ դեպքերում քաղցկեղի այս տեսակը կարող է դրսևորվել կղանքի մուգ կամ գրեթե սև գույնով, ինչը պայմանավորված է լինում կերակրափողում առկա արյունահոսությամբ։ Բացի այդ, հազվադեպ հանդիպող ախտանշանների շարքին են դասվում նաև հիվանդի ձայնի փոփոխությունը, օրինակ՝ խռպոտությունը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
