Փորկապությունը բավական տհաճ խնդիր է, որը, սակայն, շատերը լուրջ չեն ընդունում։

Այնուամենայնիվ բժիշկները պնդում են, որ սա չափազանց տարածված խնդիր է, որին բախվում է երկրի բնակչության 50 տոկոսը, քանի որ դեֆեկացիայի բացակայությունն անգամ 48 ժամվա ընթացքում արդեն իսկ համարվում է խանգարում։

Նման տհաճ խնդրից խուսափելու համար գաստրոէնտերոլոգները ներկայացրել են փորկապության զարգացման հիմնական պատճառներն ու դրա կանխարգելման լավագույն միջոցը։

Մասնագետների խոսքով՝ հաճախ դեֆեկացիայի խանգարման ու փորկապության պատճառ է կարող է հանդիսանալ սթրեսը, ինչպես նաև սխալ սննդակարգը։

Բացի այդ, հաճախ այս խնդրի զարգացմանն է հանգեցնում նաև արագ սննդի գործածությունն ու ֆիզիկական ակտիվության պակասը և սա է պատճառը, որ փորկապության խնդրին բավական հաճախ են բախվում նստակյաց կենսակերպ վարողները։

Փորկապության զարգացմանը նպաստող մյուս կարևոր գործոնն օրվա ընթացքում բավարար քանակությամբ ջուր չխմելն է։

Մասնագետները խորհուրդ են տալիս մարմնի յուրաքանչյուր կիլոգրամի դիմաց 30 մլ մաքուր ջուր խմել, քանի որ միայն այդ դեպքում օրգանիզմը բնականոն դեֆեկացիայի համար անհրաժեշտ քանակությամբ հեղուկը կստանա։

Հաշվի առնելով վերոնշյալ գործոնները՝ խնդրի կանխարգելման համար մասնագետները խորհուրդ են տալիս առաջին հերթին ազատվել դրանցից։

Սա նշանակում է որ հարկավոր է հնարավորինս նվազեցնել սթրեսի մակարդակը, կարգավորել սննդակարգն ու բացառել արագ սնունդը, վարել բավական ակտիվ կենսակերպ ու հետևել օրվա ընթացքում օգտագործվող ջրի քանակությանը։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ