Ջուրը կենսական նշանակություն ունեցող հեղուկ է, առանց որի մարդու օրգանիզմում տեղի ունեցող կարևորագույն գործընթացները պարզապես կանգ կառնեն, ուստի օրվա ընթացքում բավարար քանակությամբ ջուր խմելը շատ կարևոր է։ Այնուամենայնիվ քչերին է հայտնի, թե որքան ջուր է հարկավոր խմել օրգանիզմն ինչպես հարկն է խոնավացնելու համար։
Ինչպես նշել է հանրահայտ բժիշկ Ալեքսանդր Մյասնիկովը, օրվա ընթացքում բավարար ջուր խմելու համար հարկավոր է առաջին հերթին հետևել օրգանիզմի պահանջներին ու ծարավի զգացման առկայությանը։ Մասնագետի խոսքով՝ սովորաբար մարդու օրգանիզմն օրվա ընթացքում 1600 մլ հեղուկ է կորցնում, մինչդեռ սննդի հետ ստանում է միայն 1200 մլ հեղուկ։
«Այդ ցուցանիշների միջև տարբերությունը 400 մլ է, իսկ ոմանց մոտ 500 մլ։ Այդքան հեղուկ է կենսականորեն անհրաժեշտ մեր օրգանիզմին», – նշել է մասնագետը՝ շեշտելով, որ այդ պակասը կարելի է լրացնել ինչպես ջրի, այնպես էլ թեյի, սուրճի և անգամ գինու միջոցով։
Անհրաժեշտ այդ քանակությունից ավել ընդունված հեղուկն օրգանիզմից դուրս է բերվում երիկամների միջոցով, իսկ այս օրգանների գործառույթների վատթրացումը կարող է խանգարել հեղուկի ակտիվ դուրսբերմանը, ինչն էլ կդառնա այտուցների պատճառ։
Մասնագետը նաև ընդգծել է, որ օրգանիզմի ջրի ու աղի հաշվեկշիռը միշտ բավական կայուն է, ուստի օրվա ընթացքում բավարար ջուր խմելու համար հարկավոր է առաջին հերթին վստահել օրգանիզմին և զգացողություններին, ինչպես նաև չնպաստել մեծ քանակությամբ հեղուկի գործածությանը աղի օգտագործման միջոցով։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
