Ամռան ամենատարածված ու սիրված սննդամթերքի տեսակներից մեկը ձմերուկն է, որը հիանալի միջոց է շոգ եղանակին զովանալու և քաղցը հագեցնելու համար։
Այս մթերքը հարուստ է մեծ քանակությամբ օգտակար տարրերով և ունի բավական ցածր կալորիականություն, ուստի շատերն այն կիրառում են որպես ավելորդ քաշի դեմ պայքարի արդյունավետ միջոց, սակայն մասնագետները նախազգուշացնում են, որ որոշ դեպքերում անգամ այս օգտակար մթերքը կարող է վտանգավոր լինել, ուստի հարկավոր է շատ ուշադիր լինել։
Բժիշկ Օլգա Շարապովան նշել է այն քրոնիկ հիվանդությունները, որոնց դեպքում ձմերուկը հարկավոր է կամ առհասարակ բացառել սննդակարգից, կամ առավելագույնս սահմանափակել դրա գործածությունը:
Առաջին հերթին մասնագետը հորդորում է շատ ուշադիր լինել սրտի հիվանդությունների դեպքում և օգտագործել ձմերուկը խիստ սահմանափակ:
Սակայն այս հիվանդությունները միակը չեն, որոնց դեպքում ձմերուկը կարող է հակացուցված լինել:
«Մենք՝ բժիշկներս, խորհուրդ ենք տալիս սահմանափակել ձմերուկը սննդակարգում այն մարդկանց, որոնք հիվանդ են միզաքարային հիվանդությամբ, փորլուծությամբ, աթերոսկլերոզով, շագանակագեղձի ադենոմայով», – նշել է մասնագետը:
Նա նաև հավելել է, որ ձմերուկը խորհուրդ է տրվում օգտագործել օգոստոսից ոչ շուտ և խիստ չափավոր: Օրական կարելի է ուտել 300 գրամից ոչ ավելի ձմերուկ: Ընդ որում՝ մթերքը ցանկալի է օգտագործել օրվա առաջին կեսին:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
