Քաղցկեղն ամենատարածված հիվանդություններից մեկն է, որը տարեկան հազարավոր մարդկանց մահվան պատճառ է դառնում։ Սա այն հիվանդություններից է, որի կանխարգելումն ու բուժումը վաղ փուլերում շատ ավելի հեշտ է, քան բուժումը զարգացման ուշ փուլերում, ինչպես նաև դրա հետևանքով առաջացած կողմնակի բարդությունների դեմ պայքարը, ուստի խնդրի կանխարգելման միջոցներն իմանալը շատ կարևոր է յուրաքանչյուրի համար։
Ռուս հանրահայտ բժիշկ, հաղորդավար Ալեքսանդր Մյասնիկովը նշել է սննդամթերքի լավագույն տեսակները քաղցկեղի կանխարգելման համար։ Բժշկի խոսքով՝ լավագույն մթերքն այս խնդրի դեմ պայքարում բրոկոլին է, որը հարկավոր է ամենօրյա սննդակարգի մասը դարձնել։
«Պաշտոնապես բոլոր ձեռնարկներում, որոնցում գրված է հակաօքսիդանտների ու օնկոլոգիական հիվանդությունների վտանգի նվազեցման մասին, անպայման նշված է բրոկոլին», – շեշտել է մասնագետը՝ հավելելով, որ բրոկոլիից բացի կան նաև մի շարք այլ օգտակար սննդամթերքի տեսակներ։
Մյասնիկովի խոսքով՝ քաղցկեղի կանխարգելման հարցում շատ օգտակար են նաև լիկոպինով հարուստ սննդամթերքի տեսակները, որոնց շարքին են դասվում չերի լոլիկները, ձմերուկը, կարմիր թուրինջը, նարինջը, մասուրը, կարմիր պղպեղը, կարմիր կաղամբն ու ծնեբեկը։ Բժշկի խոսքով՝ լիկոպինի գործածությունն ասոցացվում է քաղցկեղի որոշ տեսակների, այդ թվում նաև շագանակագեղձի քաղցկեղի զարգացման հետ։
Բացի այդ, բժիշկը խորհուրդ է տալիս սննդակարգում նաև քրքում հավելել, որը նույնպես կարող է շատ օգտակար լինել։ Նրա խոսքով՝ բոլոր համեմունքների շարքում քրքումն ունի ամենավառ արտահայտված հակաքաղցկեղային ազդեցությունը, ուստի քաղցկեղի դեմ պայքարի շրջանակներում այն սննդակարգում ներառելը ևս կարող է շատ արդյունավետ լինել։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
