«Պատերազմն այն է, երբ ուրիշների շահերի համար զոհվում են բոլորովին անմեղ մարդիկ»․ Ուինսթոն Չերչիլի 30 սուր մտքերը

Like on FB:

Հայրենիքում նրան անվանում են պատմության մեծագույն բրիտանացին:

Ամբողջ աշխարհում նա հայտնի էր՝ որպես խորամանկ և պայծառատես քաղաքական գործիչ, ով հաճախ էր իր հակառակորդներին կծու խոսքով նեղը գցում:

Թվում է, թե առավոտյան վերնաշապիկի և պիջակի հետ նա հագնում էր նաև համառությունն ու հանդգնությունը:

zNews-ը Ձեզ է ներկայացնում 20-րդ դարի ամենաազդեցիկ մարդկանցից մեկի սուր և իմաստուն խոսքերի ընտրանին:

Ինքնահեգնանք

Ավելի հեշտ է ազգ կառավարել, քան 4 երեխա դաստիարակել:

Դեռևս երիտասարդ տարիքում ես կանոն եմ դարձրել մինչև ճաշը մի կաթիլ անգամ չխմել: Հիմա, երբ արդեն երիտասարդ չեմ, հետևում եմ մինչև նախաճաշ չխմելու կանոնին:

Ես միշտ հետևել եմ հետևյալ կանոնին. Մի վազիր, եթե կարող ես կանգնել, մի կանգնիր, եթե կարող ես նստել, և մի նստիր, եթե կարող ես պառկել:

Այն ամենը, ինչ ես ուզել եմ, կառուցողական քննարկումից հետո սեփական ցանկություններիս հետ համաձայն լինելն էր:

Քաղաքականության մասին

Դեմոկրատիան կառավարման վատագույն ձևն է, եթե մնացածը չհաշվենք:

Քաղաքական գործիչը պետք է կարողանա կանխատեսել, թե ինչ կկատարվի վաղը, մի շաբաթ, մի ամիս և անգամ մի տարի հետո, իսկ հետո բացատրել, թե ինչու դա տեղի չունեցավ:

Կապիտալիզմի բնածին արատը բարիքների անհավասարաչափ բաշխումն է, սոցիալիզմի բնածին արժանիքը` չքավորության հավասար բաժանումը:

Իմ երկրում իշխանության ներկայացուցիչները հպարտանում են նրանով, որ իրենք պետության ծառաներն են. Պետության տերը լինելը մեծ խայտառակություն կլիներ:

Դիպլոմատն այն մարդն է, ով 2 անգամ կմտածի՝ նախքան ոչինչ չասելը:

Պատերազմն այն է, երբ ուրիշների շահերի համար զոհվում են բոլորովին անմեղ մարդիկ

Ես երբեք չեմ քննադատում իմ երկրի կառավարությանն արտասահմանում գտնվելուս ժամանակ, սակայն վերադառնալուն պես տեղը հանում եմ:

Պատմությունը հաղթողներն են գրում:

Մարդկանց մասին

Ես վաղուց եմ նկատել, որ բոլորը ձգտում են մեղադրել ինձ: Հավանաբար նրանք մտածում են, որ մեղքի զգացումը զարդարում է ինձ:

Դպրոցական ուսուցիչներն այնպիսի իշխանություն ունեն, որի մասին վարչապետները կարող են միայն երազել:

Եթե ճշմարտությունը բազմեզր է, ապա սուտը բազմաձայն է:

Գումար կուտակելն օգտակար բան է, հատկապես, եթե դա քո ծնողներն են արել:

Ես միշտ պատրաստ եմ սովորել, սակայն ինձ միշտ չէ, որ դուր է գալիս, երբ ինձ սովորեցնում են:

Աշխարում բազմաթիվ չար ենթադրություններ կան, սակայն ամենասարսափելին այն է, որ դրանց կեսը ճիշտ է:

Ես սիրում եմ խոզերին: Շները մեզ ներքևից վերև են նայում, կատուները` վերից վար, և միայն խոզերն են մեզ ուղիղ նայում, հավասարը հավասարի պես:

Մարդիկ հիանալի կերպով կարողանում են պահել այն գաղտնիքները, որը նրանք չգիտեն:

Լավատեսություն

Հոռետեսը դժվարություններ տեսնում է յուրաքանչյուր հնարավորության դեպքում, իսկ լավատեսը յուրաքանչյուր դժվարության մեջ տեսնում է հնարավորություններ:

Կատարելագործվել նշանակում է՝ փոխվել, կատարյալ լինել նշանակում է՝ հաճախ փոխվել:

Շատ առաջ նայելն անհեռատեսություն է:

Խելացի մարդն ինքը բոլոր սխալները չի գործում: Նա հնարավորություն է տալիս նաև ուրիշներին:

Միշտ ավելի հեշտ է հայտարարել սկզբունքներիդ մասին, քան իրագործել դրանք:

Չկա ավելի լավ ներդրում, քան նորածնի կաթի մեջ ներդրումը:

Հաջողությունն անհաջողությունից անհաջողություն ընթանալու ճանապարհին ոգևորությունը չկորցնելն է:

Մեծ գործերի փորձառությունը ինձ հանգեցրեց նրան, որ ամեն ինչ միանգամից կարգավորելու փորձերը հաճախ սխալ են:

Դուք երբեք չեք հասնի նշված վայրին, եթե քար նետեք յուրաքանչյուր հաչող շան ուղղությամբ:

Ես լավատես եմ: Այլ բան լինելու օգտակարությունը պարզապես չեմ տեսնում:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Իմաստուն առակ. «Ի՞նչ արժես դու»
Խնձորի քացախը օգնում է ազատվել էկզեմայից, պիգմենտային բծերից, պեպեններից, ուգրիներից և կնճիռներից․ ահա, թե ինչպես կիրառել այն
Արևելյան իմաստունների կյանքի դասերը կամ՝ խրատանի
«Չի կարելի ամբողջ կյանքը երեխային նվիրել». Ֆրանսիացի մայրիկների 10 կանոն, որոնք կարող են զարմանալիորեն օգտակար լինել
Կանացի սեքսուալության 5 տեսակ
Ինչու տղամարդը բաց չի թողնում ձեզ, անգամ եթե չի սիրում
Երբեք ու երբեք տանը խոլորձ (օրխիդեա) Չաճեցնեք․․․
Ինչի՞ մենք կհասնեինք, եթե մեր ուղեղն օգտագործեինք 100%-ով
Ինչպես ճիշտ սիրահարվել

Latest

Առանց դեղորայքի զարկերակային ճնշումն իջեցնելու ամենաարդյունավետ միջոցները
Որքան է ձմերուկի օրական չափաբաժինը երեխաների և չափահասների համար
Թաղման ժամանակ «հանգուցյալը» կենդանացել է (տեսանյութ)
Ինչպես որոշել, թե որ վիտամիններն են ձեզ պակասում
Քաղցկեղի 10 նախանշան, որոնք հարկավոր չէ անտեսել
Ինչպես ուտել հաց և չգիրանալ․ պարզ միջոց
Շուշաննա Թովմասյանի 8 ամսական որդու նոր լուսանկարները
Պաբլո Պիկասոն ապրել է 91 տարի և ահա թե ինչպիսի եզրակացության է հանգել կյանքի և մարդկանց մասին
«Ահա թե ինչեր ենք մենք ուտում ամեն օր»