Ի՞նչ գույնի է քո աուրան և ի՞նչ է այն պատմում քո մասին

Like on FB:

Յուրաքանչյուր մարդու աուրան գույն ունի, որն անվանում ենք մարդու կյանքի գույն, և այն փոխվում է ՝ կապված կյանքի որոշակի փուլերից:

Սեփական աուրայի գույնը կարելի է  իմանալ, եթե գումարենք ծննդյան օրվա օրը, ամիսը և տարեթիվը՝ օրինակ 25.12.1975, թվերը պետք է գումարել հետևյալ կերպ՝ 2+5+1+2+1+9+7+5= 32, 3+2=5:  5-ը համապատասխանում է երկնագույն աուրային, հենց դա էլ կստացվի տվյալ դեպքում հաշվարկված ամսաթվին ծնված մարդու աուրայի գույնը:

Եթե հաշվարկի արդյունքում ստացվել է 11 կամ 22, ապա այդ թվերն անփոփոխ են մնում:

  • Կարմիր -1
  • Դեղին-2
  • Գազարագույն- 3
  • Կանաչ-4
  • Երկնագույն – 5
  • Կապույտ – 6
  • Մանուշակագույն – 7
  • Վարդագույն – 8
  • Բրոնզագույն – 9
  • Արծաթագույն – 11
  • Ոսկեգույն 22

Կարմիր աուրա

Կարմիր աուրա ունեցող մարդիկ զգացմունքային են, կենսուրախ և ագրեսիվ: Կարմիրը փառասիրության, նպատակասլացության, լավատեսության և ազատականության գույնն է: Եթե Ձեր աուրան կարմիր է, ապա անտարբերությունը և ապատիան Ձեզ հետ բացարձակ կապ չունեցող հասկացություններ են, Ձեր խնդիրն է՝ համապատասխանել Ձեր աուրայի գույնին: Ոչ ճիշտ պահվածքը կարող է բարդույթների հանգեցնել: Եթե Դուք ամբողջ ժամանակը նվիրում եք աշխատանքին, չեք հանգստանում, ապա հնարավոր է, որ Ձեր բնավորությանը ոչ այդքան էլ հարազատ մասնագիտություն եք ընտրել, քանզի աշխատանքային գերծանրաբեռնվածությունն այս դեպքում հանգեցնելու է անձնական կյանքի խնդիրների առաջացմանը: Կարմիր աուրա ունեցող մարդիկ պետք է մշտապես շարժի մեջ լինեն՝ քայլեն, սպորտով զբաղվեն, որպեսզի իրենց աուրայի էներգետիկան բացասականի չվերածվի: Աշխատեք օրեկան 20 րոպե կամ ավել քայլել:  Կարմիր աուրա ունեցող մարդիկ առանձնանում են մրցակցային բարձր ոգով, ինչը թույլ է տալիս նրանց զբաղվել սպորտով և հաջողություններ ունենալ: Ձեր բնավորությանը հատուկ է ամենուրեք  առաջին տեղում լինել, ինչը խանգարում է նրանց շատ դեպքերում, քանզի հաղթանակն ամենուրեք դառնում է հիմնական և միակ նպատակ, որն էլ իր հերթին հանգեցնում է բազմաթիվ հոգեբանական խնդիրների:

Քանի որ կարմիրը նաև փառասիրության գույնն է, Դուք կարող եք ունենալ բարձր նպատակներ և հասնել դրանց: Շփվեք մարդկանց հետ, ովքեր Ձեզ ոգևորում են, իսկ ցածր ինքնագնահատական ունեցող մարդկանցից աշխատեք հեռու մնալ, քանի որ նրանց աուրան վատ ազդեցություն կունենա Ձեզ վրա՝ հեռու մղելով Ձեր հաջողությունները:

Դեղին աուրա

Աուրայի դեղին գույնը խոսում է ստեղծագործական անձնավորության մասին,  ով կարող է ինտելեկտուալ շոշափելի ձեռքբերումներ ունենալ: Եթե Ձեր աուրան դեղին է, ապա Դուք շփվող եք, կարողանում եք ինքնադրսևորվել:  Ձեր ներկայության դեպքում սառնության և անհասանելիության մթնոլորտը կոտրվում է,  Դուք կարողանում եք հիացնել մարդկանց: . Ձեր թերությունը՝ շատ բաց լինելն է:  Դուք կարող եք ոգեշնչել յուրաքանչյուրին, ունեք հռետորական մեծ ձիրք,  շփվելու գերազանց կարողություն, ուստի Ձեզ հարմար է ուսուցչի, խորհրդատուի, վաճառողի և այլ մասնագիտություններ, որոնք կապված են մարդկային շփման հետ:

Դուք հաճախ ունեք հետաքրքրությունների լայն շրջանակ, ինչը  չի հասկացվում շրջապատում, շատ դեպքերում Ձեր անմիջական շփումը դիտվում է որպես թեթևամտություն  և  անփութություն, ինչի պատճառով երբեմն Ձեզ չեն վստահում և անլուրջ են վերաբերվում: Եթե կան նման խնդիրներ, ապա փորձեք ավարտին հասցնել Ձեր սկսած յուրաքանչյուր գործը, եղեք հետևողական ամեն ինչում:  Եթե Ձեր աշխատանքն այդքան էլ Ձեզ դուր չի գալիս, ապա փոխեք գործունեության ոլորտը, քանզի մի շարք ոլորտներում լուրջ հնարավորություններ ունեք բարձր արդյունքների հասնելու:

Գազարագույն աուրա

Գազարագույն աուրան նշանակում է զգացմունքներ և առողջություն: Եթե Ձեր աուրան գազարագույն է, ապա Դուք շփվող եք, բարի, հոգատար, շրջապատի նկատմամբ ուշադիր, սակայն այս ամենի հետ միասին Դուք նաև շատ  ջղաձգված եք, ճնշված կամ ի վիճակի չեք Ձեզ դրսևորել այնքան, ինչքան կուզենայիք: Եթե այս վիճակներից որևէ մեկը կա Ձեզ մոտ, ապա  Ձեր կյանքում որոշակի փոփոխություններ պետք է անեք:  Առաջին հերթին հասկացեք, որ Ձեր ժամանակը տրամադրում եք կառուցողական և օգտակար գործունեությանը: Պետք է գտնեք Ձեզ այն ոլորտներում, որոնք Ձեր կարծիքով ազնիվ են և դրսևորվեք այնտեղ: Ընդունեք Ձեզ այնպիսին, ինչպիսին կաք, հաճույք ստացեք շրջապատի մասին հոգ տանելուց և օգնության ձեռք մեկնելուց, քանզի Ձեր էությունն այդպիսին է ՝ մարդկանց օգնելը Ձեզ մոտ հոգևոր պահանջ է:.Առավելապես մեծ հաճույք կստանաք Ձեզ նման բարի և ազնիվ մարդկանց հետ շփվելուց: Ձեզ շատ հարմար է բարեգործական աշխատանքներում ներգրավված լինելը, այնպիսի մասնագիտությունները, որոնք ծառայում են մարդկությանը:

Կանաչ աուրա

Կանաչը բնության և կենդանության գույնն է: Նման աուրա ունեցող մարդիկ շատ լավ հարմարվում են յուրաքանչյուր պայմաններին, նրանք զգացմունքային են և կարեկցող: Նման հատկանիշները կարող են դառնալ նաև նրանց թուլությունը:  Նման մարդիկ սիրում են շփվել  ընկերների հետ:   Նրանք լավատես են տրամադրված կյանքի նկատմամբ: Եթե նրանց կյանքում անհաջողություններ են լինում, ապա նրանք  որպես կանոն մեղադրում են ուրիշներին:  Կանաչ գույնը հակադրվում է կարմիրին՝ նրանք միշտ կառավարում են իրենց էմոցիաները, ինչը նման մարդկանց դարձնում է հուսալի և կայուն, ինչպես բնությունն է, որը աստիճանաբար է զարգանում, բայց կայուն է:  Կանաչ աուրա ունեցող մարդիկ հարմարվող են, սակայն, եթե նրանք համոզված են իրենց ճշմարտացիության մեջ, ապա անսասան են:

Եթե Դուք կանաչ աուրա ունեք, ապա շատ եք վստահում մարդկանց,  բարի եք և հոգատար:

Կանաչ աուրան ենթակա է փոփոխությունների, ուստի ուշադիր եղեք, մի լարեք Ձեզ մանրուքներով, մի նյարդացեք, աշխատեք ամեն ինչին հանգիստ նայել, որպեսզի պահպանվի Ձեր աուրայի բնական հավասարակշռվածությունը: Շփվեք երջանիկ և հոգատար մարդկանց հետ: Բնությունը Ձեզ պարգևել է աշխատասիրություն, հետևողականություն և նպատակասլացություն, ուստի օգտագործեք այդ հատկանիշները Ձեր գործունեության մեջ:

Երկնագույն աուրա

Երկնագույն աուրան խորհրդանշում է ճամփորդությունների նկատմամբ հակում,  ձգտում դեպի ճշմարտությունը և կյանքի իմաստի բացահայտումը: Երկնագույնը չի բացառում ավանտյուրիզմը, միևնույն ժամանակ  ունի ստեղծագործական հակումներ, երևակայություն և հստակ մտածողություն: Երկնագույն աուրա ունեցող մարդիկ հավերժ  երիտասարդներ են, նրանք ունակ են հզորագույն գործեր անել, քանզի գրեթե անսպառ էներգիա ունեն:  Նրանց ոգեշնչում են նոր տպավորությունները, նրանք հաճույքով շփվում են տարբեր էթնիկական խմբերի ներկայացուցիչների հետ և ուսումնասիրում  նրանց մշակույթը: Հաճախ նրանք շատ ակտիվ կյանք են վարում, ինչը թույլ չի տալիս նրանց հանգստանալ, որն էլ իր հերթին սթրեսների պատճառ է դառնում:  Երկնագույն աուրա ունեցող մարդկանց մեջ դժվար գտնվեն մարդիկ, ովքեր իրենց հսկայական ներուժն ուղղեն չար նպատակների իրագործմանը: Բնությունը նրանց օժտել է չափից շատ կարողություններով, սակայն դրա հետ միասին այնպիսի մտածողությամբ, որը նրանց թույլ չի տալիս կործանիչ ուժի վերածել իրենց բնատուր կարողությունները, հակառակը՝ նրանք ստեղծում են, զարգացնում, շունչ տալիս և հարստացնում իրենց շրջապատող  աշխարհը: Նրանցից ոմանք շատ թափթփված  են, քանզի ուզում են ամեն ինչ հասցնել, այս դեպքում էներգիան ոչ ռացիոնալ է օգտագործվում:

Կենտրոնացրեք Ձեր ուժերը մի ուղղությամբ, և մի սկսեք ոչ մի նոր բան, քանի դեռ չեք ավարտել նախորդը: Շտապողականությունը Ձեզ թույլ չի տալիս  կանգ առնել, և Դուք միշտ հետաքրքրվում եք նորամուծություններով, ուզում եք ինքներդ նորամուծություն մտցնել:  Հնարավոր է, որ Դուք չեք գնահատում Ձեր ձեռքբերումները, Ձեզ միշտ թվում է, որ ոչնչի չեք հասել, ուստի միշտ վազքի մեջ եք, սակայն մի պահ հետ նայեք, և տեսեք,  թե ինչքան օգտակար բաներ եք արել Ձեր կյանքում: Դուք այնպիսի թանկարժեք հատկանիշներ եք ստացել բնության կողմից, որ եթե խելացի կերպով օգտագործեք դրանք, ապա մեծ հաջողությունների կհասնեք:

Կապույտ աուրա

Կապույտը մեծահոգության, հոգատարության,  մարդասիրության գույնն է: Կապույտ աուրա ունեցող մարդիկ ինքնավստահ են, պատասխանատվության  բարձր զգացում ունեն իրենց և մտերիմների նկատմամբ: Շրջապատողները ենթագիտակցության մակարդակում հասկանում են նրանց և ձգվում են դեպի վերջիններս: Եթե Ձեզ մոտ այս հատկանիշները բացակայում են, ապա պետք է ավելի շատ վստահեք մարդկանց, ավելի անմիջական լինեք և արտահայտեք Ձեր զգացմունքները: Լսեք Ձեր սրտի ձայնին, և այդ ժամանակ հնարավոր է, որ Դուք կարողանաք ավելի լավ հարաբերություններ հաստատել Ձեզ շրջապատող մարդկանց հետ:  Կապույտ աուրա ունեցող մարդիկ չպետք է մոռանան հանգստի և զվարճանքների մասին, քանզի իրենց պարտականությունների հանդեպ ունեցած չափից շատ լրջությունը կարող է հանգեցնել առողջության կորստին: Այս տիպի մարդիկ հաճախ շատ պահանջկոտ են իրենց և իրենց շրջապատի նկատմամբ, քանզի ձգտում են կատարելության: Եթե Դուք էլ եք այդպիսին, ապա թուլացեք և փորձեք հասկանալ, որ հնարավոր չէ մշտապես պատասխանատվություն կրել կատարվող ամեն ինչի համար: Երկրորդական գործերին կարող եք  այդքան էլ ուշադրություն չդարձնել և ավելի շատ ժամանակ անցկացնել Ձեր մտերիմների և ընկերների հետ:  Կապույտ աուրա ունեցող մարդիկ սխալվելու ավելի շատ  հավանականություն  ունեն, քանզի փորձում են ամեն ինչ ճիշտ անել: Նրանք նաև փոփոխական են՝ ցերեկը կարող են ուրախ լինել, երեկոյան՝ մռայլ, նրանք կարող են խորը դեպրեսիայի մեջ ընկնել, այնուհետև ոգեշնչված դուրս գան դեպրեսիայից:

Մանուշակագույն աուրա

Մանուշակագույնն ինտուիցիայի, հոգևորի, պայծառատեսության գույնն է: Մանուշակագույն աուրա ունեցող մարդիկ ընդունակ են, օժտված են ինտուիցիայով և հարուստ ներաշխարհ ունեն: Դժվար պահերին նրանք կարողանում են իրենց հավատի միջոցով ուժեղանալ:  Այս տիպի մարդիկ չեն սիրում ուրիշներից օգնություն խնդրել և մշտապես հույսը դնում են բացառապես սեփական ուժերի վրա:  Եթե բնատուր արժանիքների և բնավորության միջև միասնություն չկա, ապա Ձեր աուրան կխամրի, սակայն Դուք կարող եք վերականգնել այն: Եթե շրջապատում Ձեզ չեն հասկանում, ապա փորձեք ավելի հասկանալի  և ընկալելի Ձեզ պահել, արտահայտեք Ձեր զգացմունքները: Այս տիպի մարդիկ հաճախ ինքնամփոփ են լինում, չեն սիրում խոսել իրենց  էմոցիաների մասին,  ինչն էլ վանում է մարդկանց իրենցից: Մանուշակագույն աուրա ունեցող մարդիկ չեն սիրում հետևել ընդհանուր նորմերին, և ղեկավարվում են սեփական կարծիքով՝ ուշադրություն չդարձնելով հասարակության վերաբերմունքին: Շատ հաճախ մարդիկ չեն ընկալում և չեն ընդունում նման մարդկանց, ուստի պետք է հիշել, որ անկախ Ձեր հոգևոր հզոր հատկանիշներից, Դուք ապրում եք հասարակության մեջ , ուստի պետք է կարողանաք հասկանալի դառնալ նաև մնացածի համար: Մանուշակագույն աուրա ունեցող մարդիկ օժտված են գեղարվեստական և ստեղծագործական տաղանդներով: Մանուշակագույն աուրա ունեն շատ քիչ թվով մարդիկ, ուստիև նրանք իրենց արտոնյալ և յ ուրահատուկ են համարում: Նրանց հիմնական նպատակը երազանքների իրագործումն է:

Վարդագույն աուրա

Վարդագույնը մատերիալիզմի, նպատակասլացության և աշխատասիրության գույնն է: Վարդագույն աուրա ունեցող մարդիկ նուրբ են և շատ հոգատար, սակայն այդ հատկանիշները չեն խանգարում նրանց իրենց կարծիքը պնդել անհրաժեշտության դեպքում: Դուք սիրում եք գործել սեփական համոզմունքների համաձայն և մշտապես ուժ եք գտնում Ձեր մտերիմների մասին հոգ տանելու համար:  Եթե Ձեր  դրական  հատկանիշները չօգտագործեք, ապա ժամանակի ընթացքում աուրան կխամրի: Մշտապես արտահայտեք Ձեր դրական վերաբերմունքը շրջապատի նկատմամբ, հոգ տարեք նրանց մասին, արտահայտեք Ձեր բարի հատկանիշները, քանզի այդ կերպ Դուք էլ ավելի եք ուժեղանում:

Ձեր մեջ բավականին էներգիա կա, ուստի արեք այն, ինչ իրականում ցանկանում եք, թեկուզ հնարավոր է, որ Ձեզ մտերիմները և ընկերները չհասկանան, բայց մի խուսափեք անել այն, ինչ ներքուստ ուզում եք: Փորձեք բացատրել նրանց Ձեր արարքների դրդապատճառը, և հնարավոր է, որ նրանք էլ աջակցեն Ձեզ: Հաճախ Ձեզ կարող է թվալ, որ Ձեզ ցանկանում են օգտագործել, ուստիև սովորեք ոչ ասել այն դեպքերում, երբ չեք ուզում անել այն, ինչ Ձեզ խնդրել են: Վարդագույնը կարող է նաև Ձեզ դարձնել անվճռական և մեղմ, ուստի պետք է փորձեք ավելի ինքնավստահ լինել և մի վախեցեք Ձեր մտքերն արտահայտելուց:

Բրոնզագույն աուրա

Բրոնզագույնը խորհրդանշում է անձնազոհություն, մարդասիրություն: Բրոնզագույն աուրայով մարդիկ նուրբ հոգի ունեն, հոգատար են և վճռական:  Նման մարդիկ ուրախությամբ օգնում են հասարակության անդամներին, և դա անում են առանց հետադարձ սպասելիքների: Այս տիպի մարդիկ լավատես են, կարող են երջանիկ լինել: Սակայն, հաճախ Դուք վստահ եք, որ հասարակությունը թերագնահատում է Ձեզ: Եթե Դուք սեփական պահանջները բավարարելու համար ժամանակ չեք գտնում, ուրեմն որոշ ժամանակ Ձեր ուժերը  ծախսեք միայն Ձեր անձի կատարելագործման վրա: Դուք բավականին նուրբ հոգի ունեք, ուստի շատ դժվարությամբ եք որոշումներ ընդունում այն դեպքերում, երբ մարդիկ փորձում են շահագործել Ձեր  բարությունը: Սակայն, Ձեզ օգտակար է բարություն անելը՝ առանց պատասխան սպասելու: Դա դժվար է, բայց դա Ձեր կատարելագործման ուղին է:

Արծաթագույն աուրա

Արծաթագույնն իդեալիզմի, երազկոտության և ֆանտազիաների գույնն է: Արծաթագույն աուրա ունեցող մարդիկ հոգևոր բարձր մակարդակ ունեն և հարուստ ներաշխարհ, օժտված են անթերի ինտուիցիայով: Նրանք մեծահոգի են և ազնիվ, երբեմն շատ են վստահում մարդկանց: Ընկերներ ընտրելուց նրանք հենվում են ինտուիցիայի վրա և շրջապատի հետ բացառապես կառուցողական հարաբերություններ են հաստատում: Եթե Դուք արծաթագույն աուրա ունեք, ապա հետևեք Ձեր ինտուիցիային, հակառակ դեպքում Ձեր աուրան կխամրի և կդառնա մոխրագույն և անկենդան: Այն վերականգնելու համար, Դուք պետք է բացահայտեք Ձեր թաքնված տաղանդները և հնարավորությունները, այնուհետև օգտագործեք դրանք: Մեծ գործեր նախաձեռնելիս՝ հիշեք, որ Դուք ոչ միշտ եք պատրաստ դրանք իրագործել, ուստի ընտրեք այնպիսի նպատակներ, որոնք կառուցողական են և արդարացված: Հաջողության հասնելով՝ Դուք կզարմանաք, թե ինչպես է փոխվում Ձեր աուրան, կարող եք նաև էմոցիոնալ ճնշում, ներվային լարվածություն զգալ, ինչի պատճառով էլ Ձեր շրջապատում մարդիկ կարող են իրենց լարված զգալ: Ձեզ շատ օգտակար է մեդիտացիան, յոգան՝ լարվածությունը հանելու համար:

Ոսկեգույն աուրա

Ոսկեգույնն անսահմանության գույնն է: Այն խորհրդանշում է հաջողություն, քաջ գաղափարներ, պատասխանատվություն, հոգու անսովոր հատկանիշներ: Նման մարդկանց հաջողությունը մշտապես ուղեկցում է: Նպատակին հասնելուց հետո, նրանք կարողանում են վայելել երջանկության բերկրանքը: Ոսկեգույն աուրա ունեցող մարդիկ ի ծնե խարիզմատիկ լիդերներ են, ովքեր հսկայական էներգիա են տալիս շրջապատին: Ոսկեգույն աուրա ունեցող մարդիկ գրեթե միշտ հասնում են իրենց երազանքին, սակայն, եթե Ձեզ մոտ դա դեռևս չի ստացվել, ապա պետք է վերականգնեք կորցրած ուժերը: Եթե Ձեր գործերն այդքան էլ հաջող չեն, ապա հանգստանալու  ժամանակն է, քանզի որպես կանոն Դուք շատ պահանջկոտ եք Ձեր անձի նկատմամբ: Ժամանակ հատկացրեք հանգստին, որից հետո միայն անցեք գործերին, դա շատ կարևոր է:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Կարևորը՝ դուք շատ նորաոճ եք ու գեղեցիկ. Սոնա Ռուբենյանը հրապարակել է իրեն անճաշակ ու քաղքենի անվանած կնոջ լուսանկարը (Photo)
Ով է Սոնա Ռուբենյանի հարսանեկան զգեստի հեղինակը (Photo)
-25 կգ. Օլյա Հակոբյանը ցույց է տվել, թե ինչ տեսք ուներ մինչև նիհարելը (Photo)
Ո՞վ է Սոնա Ռուբենյանի սկեսուրը և ինչու էր հարսանիքին բոթասով (Video)
Խեցգետինները շատ հզոր մարդիկ են․ 9 պատճառ, թե ինչու է այս կենդանակերպի նշանն ամենալավը․ նրանց չսիրելն ուղղակի անհնար է
Թեստ. Ճանաչու՞մ եք հայ գրողների ստեղծագործությունները
Եթե կարողանաս այս նկարում գտնել 2 կատվին, ուրեմն իսկական հանճար ես
Թեստ ամենահնարամիտների համար. ինչպե՞ս կարող է տղան փրկվել
ԹԵՍՏ․ Քանի՞ վագր կա այս նկարում

Latest

Ընտրեք առաջարկվող անկողնային սպիտակեղենից որևէ մեկը և իմացեք, թե ինչպիսի տնային տնտեսուհի եք դուք
7 մարդ, որ պետք է լինի ցանկացած կնոջ կյանքում
Ինչի մասին է խոսում կնոջ ներքնազգեստի գույնը
Իմ տատիկը 82 տարեկան է և շնորհիվ այս հրաշք միջոցի՝ անգամ չգիտի, թե ինչպիսին է լինում հոդերի, ողնաշարի և ոսկորների ցավերը
Ե՞րբ է սուրճը մտել հայերի կենցաղ, և ինչո՞ւ ենք տվել հենց սուրճ անվանումը. 18-րդ դարի պատմության հետքերով
ԹԵՍՏ. Միայն 120-ից բարձր IQ ունեցող մարդիկ կարող են պատասխանել բոլոր հարցերին
Ի՞նչ է պատրաստում 2022 թվականը Կենդանակերպի նշանների համար
4 բան, որը համատեղ կյանքի ընթացքում նյարդայնացնում է գրեթե բոլոր սիրահարներին
ԹԵՍՏ. Գիտե՞ք արդյոք ժողովրդական այս ասացվածքները