Հոլիվուդյան ժպիտը համարվում է առողջ ու գեղեցիկ ատամների գրավականը, ուստի մարդիկ հաճախ մեծ գումարներ են վատնում ատամները սպիտակեցնելու համար:
Ոմանք էլ մասնագիտացված մեթոդների փոխարեն նախապատվությունը տալիս են ժողովրդական մեթոդներին, որոնք ոչ պակաս արդյունավետ են, սակայն շատ ավելի հասանելի:
Սակայն, ամեն դեպքում, հարկ է հիշել, որ նման պրոցեդուրաների ժամանակ պետք է շատ զգույշ լինել՝ ատամների էմալը չվնասելու համար:
zNews-ը ներկայացրել է լավագույն միջոցները՝ ատամները տնային պայմաններում սպիտակեցնելու համար:
Կերակրի սոդա
Մի գդալ կերակիր սոդան ու մի պտղունց կերակրի աղը հիանալի միջոց են ատամնափառից ազատվելու և ատամնաշարը մի քանի երանգով գունաբացելու համար: Հարկավոր է ատամի խոզանակը խոնավեցնել, վրան լցնել ստացված խառնուրդը և դրանով մաքրել ատամներն ու ողողել բերանի խոռոչը մաքուր ջրով: Սոդան վնասակար չէ բերանի խոռոչի առողջության համար, սակայն, ամեն դեպքում, խորհուրդ չի տրվում չարաշահել այս մեթոդի կիրառությունը:
Հալվեի հյութ
Մի բաժակ ջրին ավելացնել կես բաժակ կերակրի սոդա, 1 թ.գ. հալվեի հյութ, 10 կաթիլ կիտրոնի եթերայուղ և 4 թ.գ. բուսական գլիցերին:Լավ խառնել և ստացված խառնուրդն օգտագործել ամեն օր՝ քսելով ատամներին: Այս միջոցը կօգնի մեկընդմիշտ մոռանալ ատամնափառի և ատամնաքարերի մասին:
Նարնջի կեղև
Ատամնաշարն արագ սպիտակեցնելու հիանալի եղանակ է նարնջի կեղևը: Պարզապես հարկավոր է դրանով շփել ատամները, այնուհետև 10 րոպե թողնել այն ատամներին (կապայի նման):
Ցիտրուսային մրգերի մանրացրած կեղևներ
Հարկավոր է սրճաղացով մանրացնել ցիտրուսային մրգերի կեղևի սպիտակ հատվածը, խառնել այն ատամի մածուկին և օգտագործել ամեն օր ատամները լվանալիս: Այս միջոցը ոչ միայն սպիտակեցնում է ատամների դեղնած էմալը, այլև կանխում է ատամնաքարի առաջացումը:
Սակայն հարկ է հիշել, որ սպիտակեցումից հետո ատամները շատ ավելի զգայուն են լինում, ուստի հարկավոր է միջոցներ ձեռնարկել էմալն ու լնդերն ամրապնդելու համար:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ