Թոքաբորբը բավական ծանր հիվանդություն է, որի բուժումը պետք է անցկացվի միայն մասնագետի հսկողության տակ, սակայն կան սննդամթերքի տեսակներ, որոնք թույլ կտան մաքրել թոքերն ու արագացնել ապաքինման գործընթացը:
zNews-ը Ձեր ուշադրությանն է ներկայացնում դրանցից մի քանիսը:
Մեղր
Դարեր շարունակ մեղրը համարվում է շատ արդյունավետ բուժիչ մթերք, քանի որ օժտված է մի շարք օգտակար հատկություններով: Հայտնի է, որ այն չի առաջացնում կողմնակի բարդություններ, սակայն օգնում է բարելավել ինքնազգացողությունը մի շարք վարակների դեպքում: Թոքաբորբի ժամանակ մեղրն օգնում է մեղմել հազն ու ազատվել մրսածությունից, իսկ դրանք այս հիվանդության հիմնական ախտանշաններն են: Բացի այդ, այս մթերքն օժտված է հակաբակտերիալ ու հակամանրէային ազդեցությամբ, ինչը նույնպես շատ կարևոր է թոքերի բորբոքման դեպքում:
Հացհամեմի սերմեր
Այս սերմերը շատ օգտակար են թոքերի բորբոքման դեպքում, քանի որ օգնում են ազատվել կայուն հազից: Որոշ հետազոտություններ անգամ ցույց են տվել, որ այդ սերմերը խթանում են քրտնարտադրությունը, ինչն օգնում է իջեցնել մարմնի ջերմաստիճանը:
Կոճապղպեղ
Այս համեմունքը նույնպես հայտնի է իր հակամանրէային հատկություններով: Այն պայքարում է թոքաբորբի հարուցիչ մանրէների դեմ, նվազեցնում է բորբոքումների մակարդակն ու մեղմում կրծքավանդակի ցավերը: Մեղրով ու կոճապղպեղով պատրաստված մածուկը կօգնի առավել արագ մեղմել թոքաբորբի ախտանշանները:
Քրքում
Քրքումն օժտված է մի շարք բուժիչ հատկություններով: Այն բնական խորխաբեր միջոց է, ինչի շնորհիվ օգնում է արագ ազատվել կուտակված լորձից՝ թեթևացնելով շնչառությունը: Բացի այդ, քրքումը նույնպես նվազեցնում է բորբոքումների մակարդակն ու մեղմում է կրծքավանդակի ցավերը: Հատկապես օգտակար է կաթով քրքումը:
Պրոբիոտիկներ
Պրոբիոտիկներով հարուստ մթերքն օգնում է ճնշել թոքաբորբի հարուցիչ ախտածին միկրոօրգանիզմների աճը: Դրանք բարձրացնում են աղիներում օգտակար բակտերիաների մակարդակը՝ դրանով իսկ նպաստելով աղիների առողջության ամրապնդմանը: Բացի այդ, դրանք նաև շատ օգտակար են իմունային համակարգի համար:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ