Գլխապտույտը կարող է վկայել զարկերակային ճնշման կտրուկ տատանման մասին. անսպասելի գլխապտույտի պատճառ կարող է դառնալ ինչպես զարկերակային ճնշման կտրուկ անկումը, այնպես էլ բարձրացումը։ Այս մասին, ինչպես գրում է doctor.rambler.ru-ն, ասել է ռուս սրտաբան Յուրի Սերեբրյանսկին՝ նշելով, թե ինչ է հարկավոր անել գլխապտույտի դեպքում։
Մասնագետի խոսքով՝ եթե գլխապտույտի դեպքը եզակի բնույթ է կրում, ապա առաջին հերթին հարկավոր է անպայման չափել զարկերակային ճնշումը։ Ճնշման ցուցանիշների՝ նորմայից բարձր լինելու դեպքում հարկավոր է այն նվազեցնող դեղամիջոց ընդունել։ Սակայն եթե գլխապտույտը կրկնվում է, ապա անհրաժեշտ է անպայման բուժզննում անցնել սրտաբանի, անոթային վիրաբույժի ու նյարդաբանի մոտ։
«Այս մասնագետները կանցկացնեն անհրաժեշտ հետազոտությունները, կպարզեն ինքնազգացողության վատթարացման պատճառն ու կօգնեն լուծել խնդիրը։ Սա շատ կարևոր է, քանի որ հաջորդ անգամ գլխապտույտը կարող է վրա հասնել անպատեհ տեղում, որտեղ կարող եք անհաջող ընկնել», – նշել է Սերեբրյանսկին։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
