Գիտական հետազոտությունների վերջին արդյունքները վերահաստատել են, որ սխտորն ունի զգալի առողջարար հատկություններ:
Դրա օգտագործումը նվազեցնում է խոլեստերինի մակարդակը և աթերոսկլերոզի, հիպերտոնիայի, շաքարախտի, հիպերլիպիդեմիայի, սրտի կաթվածի և ինսուլտի զարգացման ռիսկը։
Հետազոտության հեղինակներն այս առավելությունները կապում են սխտորի հակաօքսիդանտ հատկությունների հետ, որոնք պաշտպանում են սիրտը սթրեսից և վնասներից:
Բոլոր առավելություններով հանդերձ, սուր հոտը շատերին ստիպում է հրաժարվել սխտոր օգտագործելուց՝ այն երկար ժամանակ պահպանվում է նաև ձեռքերի վրա։
Բայց «եթե ձեր ձեռքերը դնեք հոսող ջրի տակ և դրանք քսեք չժանգոտվող պողպատից պատրաստված ինչ-որ առարկայի, օրինակ՝ թավայի կափարիչին, հոտն, իրոք, կարող է անհետանալ», – գրում է Today պորտալը՝ վկայակոչելով փորձագետներին:
Ի դեպ, կա նույնիսկ հատուկ «մետաղական օճառ», որպեսզի ստիպված չլինեք ձեռքերը քսել այս կամ այն իրին։
Կա նաև այլընտրանքային մեթոդ՝ անհրաժեշտ կլինի մեկ թեյի գդալ աղ, երկու թեյի գդալ սոդա և մի քանի կաթիլ ջուր։
Ստացված մածուկով մանրակրկիտ լվացեք ձեռքերը՝ հոտը պետք է որ անհետանա:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
