Կորոնավիրուսային վարակն ու դրա հետևանքով զարգացող թոքաբորբը խիստ բացասաբար են անդրադառնում մարդու շնչառական համակարգի վրա, իսկ վարակումից հետո վերականգնումը կարող է բավական երկար տևել, սակայն թոքաբան Եվգենի Սիմոնեցը նշել է մի քանի պարզ քայլ, որոնք կօգնեն խթանել թոքերի վերականգնման գործընթացը։

Շատ հաճախ թոքաբորբից հետո թոքերը վերականգնելու համար խորհուրդ է տրվում ռետինե փուչիկներ փչել, սակայն ինչպես նշել է մասնագետը fakty.ua-ի հետ զրույցում, իրականում ոչ մի դեպքում չի կարելի դիմել այս մեթոդի օգնությանը։ Բժշկի խոսքով՝ այս պրոցեդուրան հարմար է միայն այն բուժառուների համար, որոնք թոքերի վիրահատություն են ունեցել։ Ավելին՝ այն կարելի է անել միայն այն ժամանակ, երբ համակարգչային շերտագրությունը կամ ռենտգենյան հետազոտությունը կփաստեն, որ թոքերի հյուսվածքներն ինչպես հարկն է չեն օդափոխվում։

Միևնույն ժամանակ ձողիկի միջոցով օդը թոքերից դուրս մղելը կարող է բավական արդյունավետ պրակտիկա ,լինել ու կնպաստի արագ ապաքինմանը։ Այս պրոցեդուրայի արդյունքում թոքերն ավելի շատ օդ կներշնչեն, ինչի շնորհիվ կբարելավվի դրանց օդափոխությունը։

Թոքերի արագ վերականգնման համար մասնագետը խորհուրդ է տվել հետևել ընդամենը չորս խորհրդի, որոնք կօգնեն վերականգնել շնչառական համակարգի աշխատանքն ու խուսափել հետագա բարդություններից։ Դրանք են հատուկ շնչառական վարժություններ անելը, առողջարաններում բուժիչ պրոցեդուրաներ անցնելը, հաճախ լողալն ու հնարավորության դեպքում ծովի օդը շնչելը։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ