zNews-ը ներկայացնում է 10 արժեքավոր խորհուրդ բժիշկներից, եթե ուզում եք բնական ճանապարհով ծննդաբերել:

1. Պարբերական ֆիզիկական վարժություններ

Թեթև ֆիզիկական ծանրաբեռնվածությունը հղիության ընթացում կօգնի ոչ միայն մեծացնել ընդհանուր դիմացկունությունը, այլև անհրաժեշտ ակտիվություն ապահովել: Առանձնակի օգտակար են Քեգելի վարժությունները, որոնք օգնում են ամրացնել հետույքի մկանները և ուժեղացնում են ազդրերի հատվածը:

Պետք է մասնագետի հսկողությամբ մարզվել: Սխալ վարժությունները կարող են վնասել ձեզ և երեխային:

2. Հետևեք սննդակարգին

Չափից շատ գիրանալը կարող է խանգարել նորմալ ծննդաբերությանը, ուստի վերահսկեք սննդի նկատմամբ ձեր հակումը: բավականաչափ ջուր խմեք և շատ կանաչի, թարմ բանջարեղեն և մրգեր կերեք:

3. Հանգստություն պահպանեք

Մոր հուզմունքը բացասաբար է ազդում ապագա երեխայի առողջության վրա: Ուստի խուսափեք սթրեսային իրավիճակներից, խուսափեք «սարսափելի ծննդաբերության» մասին պատմություններից:

Երեխաների դաստիարակության մասին գրքեր կարդացեք և հաճախ գտնվեք լավատես մարդկանց միջավայրում:

4. Պատրաստվելու պարապմունքների հաճախեք

Աշխատեք հնարավորինս շատ տեղեկություն ստանալ բնական ծննդաբերության ցավը վերահսկելու մեթոդների մասին:

5. Յոգա և շնչառական վարժություններ արեք

Շնչառական վարժությունները շատ կարևոր են, քանի որ ծննդաբերության ժամանակ պետք է ճիշտ շնչել: Բացի դրանից՝ թթվածնի բավականաչափ մատակարարումը պարտադիր է երեխայի աճի համար:

6. Պարբերական մերսում

Հղիության 7-րդ ամսից հետո պետք է պարբերաբար ընդհանուր մերսման սեանսներ անել: Դա նվազեցնում է սթրեսը, մեղմացնում է հոդացավը և վերացնում է մկանային լարվածությունը:

7. «Աջակցության ճիշտ խումբ» գտեք

Գտեք բժշկի, ում լիովին վստահում եք: Ծննդաբերության ժամանակ կարևոր է նաև հարազատների շրջանում ճիշտ աջակցություն գտնել:

8. Շարժվեք

Նույնիսկ ծննդատուն գնալով՝ շարունակեք շարժվել:

Զբոսնելիս նստեք և հետույքային խոնարհումներ արեք, անկողնում ձգվեք, շարժեք ազդրերը:

9. Վիզուալացրեք վերջնակետը

Երբ արգանդի վզիկը լայնանում է մինչև 7-10 սմ, ճիգ անելու ժամանակն է: Դա նորմալ է, ձեր մարմինը գիտի՝ ինչ պետք է անի: Ծննդաբերությունը գրեթե վերջացավ:

Աշխատեք տեղի ունեցողին կարծես կողքից նայել: Ամեն ինչ լավ կլինի:

10. Վստահեք սեփական մարմնին

Ծննդաբերության բնազդային միջոցներն ավելի արդյունավետ են և պակաս ցավոտ, քան որոնք բժիշկներին են հարմար: Եթե ուզում եք նստած կամ կանգնած ծննդաբերել, արեք դա: Հիշեք, որ ձեր նպատակն է առողջ երեխա ունենալ:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին